Popular Bible Verses from Epesu 2

Share

Hawaꞌi uwaꞌ haduo to wadi mantiꞌi hatoꞌo, alaꞌ Pueꞌ Ala mampopewalimoki toaꞌ to wolaꞌ alaꞌ pohaꞌanunta hante Yesu Kerisitu. Nopopewaliki toaꞌ to wolaꞌ hingkeꞌna mowaliaki to moromiꞌ. Hei walia tiꞌo Nopatimomokiki umbiꞌ mepongka hampiha.

Nohompoꞌmoki Pueꞌ Ala ka pehuku dosanta alaꞌ kopopuhiꞌna laliNa hei alaꞌ pepoꞌohinta pe hi Yesu. Hawaꞌki Nohompoꞌ alaꞌ komoromiꞌna walianta, angkana kopopuhiꞌna laliNa pe ingkiꞌ. Iomo horiana hawaꞌki wadi mamperenaki wotanta hei mantiꞌi, “Alaꞌ komoromiꞌna waliangku, iomo horiana nohompoꞌa Pueꞌ Ala ka pehuku dosangku.”

Angkana Pueꞌ Ala, moromiꞌ mpololeke laliNe hei kodeꞌ rimaNe pe ingkiꞌ, iomo horiana, kehapoki hibali toaꞌ to mahi alaꞌ dosanta, Nopaꞌaniki kotuwuꞌ to wolaꞌ alaꞌ pohaꞌanunta hante Kerisitu. Hangangaa ikolowoikei: alaꞌ kopopuhiꞌna lalina Pueꞌ Ala horiana tehompoꞌki ka pehuku dosanta!

Nokomi pohaꞌanunta hante Yesu Kerisitu, Pueꞌ Ala mampotuwuꞌki ka komahia, hei mampopahuraki i lali suruga i pahura to manobaꞌ hingkeꞌna moparentaki moꞌawa hante Kerisitu.

Hampiha, ingkei to handoꞌiokei toYahudi, hibalikei toaꞌ to i howalilu. Angkana hinewowoꞌena hamboaꞌmokei hatoꞌo. Tepekahimokei lekiꞌ-lekiꞌmi toaꞌna Pueꞌ Ala. Hantinomokei hante lekiꞌ-lekiꞌna anaꞌna Pueꞌ Ala. Ingkei to mepoꞌohi pe hi Yesu, wadikei nipandiriꞌ hibali tambi to noꞌaro Pueꞌ Ala. Surona Pueꞌ Yesu hante nabi-nabi, hibali orina, hei Yesu Kerisitu, Iomo watu pahura tambi.