Popular Bible Verses from 1 Peturuꞌ 5

Share

Ipepolintarokikei kotepemi hei lekiꞌ-lekiꞌna kotuwuꞌmi i Io, alaꞌ Io to morewahikei.

Hei ane liumoꞌi komaporiꞌ to hampaiꞌlu tiꞌo, Pueꞌ Ala hingkiꞌ mampoganai hapo to makuraꞌ tene i ingkei. Palaihana, Io hingkiꞌ mampokaroho woꞌo pepoꞌohimi, mampokononto kotuwuꞌmi hei mampolebaꞌ lalimi. Alaꞌ Pueꞌ Ala to buhaꞌ rima, Io to moꞌuwiꞌkei mewali anaꞌNa moliu Kerisitu, hingkeꞌna pahuakei dolaꞌmi i lali komanobaꞌaNa to hawaꞌi mokoꞌukoa.

Hangangaa lebaꞌ pekirimi hei majaga-jagakei, alaꞌ poniꞌmi Belisiꞌ matengkaꞌ nturusi. Io hibali hambaꞌa singa to bilora, timomo hingkiꞌ mehokiꞌ. Belisiꞌ hangangaa iꞌewakei mpololeke moliu pepoꞌohimi to maroho, alaꞌ ibahaꞌkei, i humanele duniaꞌ, halali hampepoꞌohimi pahuahi woꞌo komaporiꞌ hibali to ihuakei.

Iomo horiana halali-halali, hangangaa mengkaꞌiwowoiꞌkei, hei mengkoruꞌkei pe Pueꞌ Ala to makuasaꞌ, hingkeꞌna ane hupaꞌmo tempoNe, hingkiꞌ Nopoꞌiwomboꞌ kotuwuꞌmi.

Hatoꞌo woꞌo ingkei to moleaꞌ tene, hangangaa mengkoruꞌkei pe tomotodi. Hei ingkei lekiꞌ-lekiꞌna to mepoꞌohi, hangangaa momesulungikei hante mampeꞌiwowoiꞌkei alaꞌ i lali Suraꞌ Mangkolehi teꞌukiꞌ waheꞌe: “Pueꞌ Ala moꞌewahi toaꞌ to mampokokodeꞌ, angkana Io mampokarima toaꞌ to mengkaꞌiwowoiꞌ.”