Popular Bible Verses from 1 Yohanes 4

Share

Ane tobahaꞌi mpololeke rimane Pueꞌ Ala i ingkiꞌ, hamboaꞌmoki morokaꞌ pe Pueꞌ Ala. Nokomi rimana Pueꞌ Ala to hawaꞌi uwaꞌ komakuraꞌna, iomo horiana hamboaꞌmoki morokaꞌ. Ane tokorokaꞌ tene kohingkiꞌ nohukunte Pueꞌ Ala, palaihana, handoaꞌi tene tobahaꞌ rimane pe ingkiꞌ.

Angkana ingkei anaꞌku, anaꞌnamokei Pueꞌ Ala, hei inanimokei nabi-nabi to mepowuli tiꞌo, alaꞌ meliu kuasaꞌNe Inohaꞌ to uwaꞌ i lalimi ka inohaꞌ to uwaꞌ i lalira toaꞌ to hawaꞌi mepoꞌohi pe Pueꞌ.

Hangangaa momepokarimaki, alaꞌ Pueꞌ Ala to uluꞌ-uluꞌna mampokarimaki.

Halali-halali to kupokarima! Momepokarimamoki haduo hei haduo, alaꞌ komarima tiꞌo mepongka ka Pueꞌ Ala. Lekiꞌ-lekiꞌna toaꞌ to mampokarima hangko awara, iohi anaꞌna Pueꞌ Ala hei pobahaꞌhi Pueꞌ Ala.

Toaꞌ to hawaꞌi mampokarima hangko awana, hawaꞌhi pobahaꞌ Pueꞌ Ala, alaꞌ Pueꞌ Ala iomo rima.

Hieꞌemo to nitiꞌi rima: handoꞌio ingkiꞌ to himpodulu mampokarima Pueꞌ Ala, angkana Pueꞌ Ala wae to himpodulu mampokarimaki, koꞌukoana morumbaꞌ humei anaꞌNe mewali podame hingkeꞌna tehompoꞌmoki ka dosanta.

Halali-halali to kupokarima. Pueꞌ Ala marima i ingkiꞌ, iomo hinaꞌ hangangaa momepokarimaki woꞌo haduo hei haduo.

Hei hieꞌemo lalane Pueꞌ Ala mampotongawa rimaNa pe ingkiꞌ, AnaꞌNa to hadoduona Norumbaꞌ humei pe duniaꞌ, hingkeꞌna ingkiꞌ pahua kotuwuꞌ to wolaꞌ to hawaꞌi mokoꞌukoa moliu i Io.

Hihimo to mantiꞌi, “Kupokarima Pueꞌ Ala,” angkana mampokoiꞌ halalinahi, io mowuti. Alaꞌ ane io hawaꞌi mampokarima halalina to noꞌokiꞌlu, hapo tene i Pueꞌ Ala to hawaꞌi noꞌokiꞌ.

Himo to mopangakuꞌ kohiYesuna Anaꞌne Pueꞌ Ala, Pueꞌ Ala mohintuwuꞌ hante io, hei io woꞌo mohintuwuꞌ hante Pueꞌ Ala.

Mewaliꞌ, hieꞌemo hawaꞌNe pe ingkiꞌ, himo to mampokarima Pueꞌ Ala, hangangaa mampokarima woꞌo halalina.

Halali-halali to kupokarima! Inioꞌkei ipoꞌohi lekiꞌ-lekiꞌna toaꞌ to mantiꞌi koꞌuwaꞌne Inohaꞌne Pueꞌ Ala i iohi. Iꞌoꞌelekei duluna, ba tuꞌu-tuꞌuꞌi mpuꞌu to ka Pueꞌ Ala ba hawaꞌi. Alaꞌ i umbo-umbolu, uwaꞌhi nabi to mampowewoꞌ. Hieꞌe to mampokonontokiki himo to nokuasaꞌi Inohaꞌna Pueꞌ Ala: lekiꞌ-lekiꞌna toaꞌ to mopangakuꞌ kohiYesuna Datu to Mamposalamaꞌ to mewali manusiaꞌ, toaꞌ tiꞌomohi to nokuasaꞌi Inohaꞌna Pueꞌ Ala.

Lekiꞌ-lekiꞌna toaꞌ to hawaꞌi mopangakuꞌ kohiYesuna Datu to Mamposalamaꞌ, iohi tiꞌo hawaꞌhi nokuasaꞌi Inohaꞌna Pueꞌ Ala. Toaꞌ tiꞌo nokuasaꞌihi inohaꞌ to ka poniꞌna Kerisitu. Ihorimokei kohingkiꞌ hupaꞌne poniꞌna Kerisitu, hei hinewowoꞌena uwaꞌmo i lali duniaꞌ.