Popular Bible Verses from 1 Yohanes 2

Share

Inioꞌkei mampokodeꞌ duniaꞌ hieꞌe hante hapo to uwaꞌ i duniaꞌ hieꞌe. Himo to mampokodeꞌ duniaꞌ hieꞌe, palaihana hawaꞌhi mampokarima Pueꞌ Ala Umoꞌta. Alaꞌ lekiꞌ-lekiꞌna to uwaꞌ i lali duniaꞌ hieꞌe, iomo peleihana lalinta to kodake, hapo to toꞌokiꞌ hei to tokohoka, hante hapo to mampoꞌuwaꞌ pampokokodeꞌta, lekiꞌ-lekiꞌna tiꞌo handoꞌio ka Umoꞌta, bateꞌna ka duniaꞌ.

Hei duniaꞌ hieꞌe hingkiꞌ mokero moꞌawa-awa hante lekiꞌ-lekiꞌna to nolei toaꞌ. Angkana toaꞌ to motuntuni peleihana Pueꞌ Ala bateꞌna tuwuꞌ wute nantolou-louna.

Hihimolu to mantiꞌi mohintuwuꞌ hante Pueꞌ Ala, waliara hangangaa hibali hante waliana Yesu Kerisitu.

Anaꞌku, kuꞌukiꞌ hieꞌe, hingkeꞌna inioꞌkei mowali dosa. Angkana ane uwaꞌ to mowali dosa, uwaꞌ Haduo to mampelumbuiki i hinarona Pueꞌ Ala Umoꞌta, Iomo Yesu Kerisitu to tuꞌu.

Toaꞌ to mantiꞌi, “Kubahaꞌmo Pueꞌ Ala,” angkana hawaꞌhi mampetuntui hawaꞌNa, mowutihi hei hawaꞌhi mampoꞌilali poturuꞌ to tuꞌu noniuꞌ Pueꞌ Ala.

Ane topetuntuiꞌi hawaꞌne Pueꞌ Ala tiꞌo, monontomo mpuꞌu kotobahaꞌne Pueꞌ Ala.

Toaꞌ to mantiꞌi tuwuꞌhi i lali komobaro, angkana mampokoiꞌhi halali hampepoꞌohina, bateꞌna tuwuꞌ tene i lali komokorindi.

Himo to mowuti? To mowutihi iomo toaꞌ to mosapuaka kohiYesuna Datu to Mamposalamaꞌ. Iomohi poniꞌne Kerisitu, alaꞌ mosapuakahi Pueꞌ Ala Umoꞌta hante hi Yesu anaꞌNa.

Toaꞌ to mosapuaka Anaꞌna Pueꞌ Ala, hawaꞌi uwaꞌ pohintuwuꞌre hante Pueꞌ Ala Umoꞌta. Toaꞌ to mopangakuꞌ kohiYesuna Anaꞌne Pueꞌ Ala, mohintuwuꞌhi woꞌo hante Pueꞌ Ala Umoꞌta.