Popular Bible Verses from 1 Korintus 2

Share

Sarewo ye krom mo Yefun Allah bi sukdu do, ”Suk gato Yefun Allah fro wa ye gato bi sukjimnut sye kas subot An, anato ndo wai o re, men yetu yo me nde tó. Men yo jam sukdu subot suk ne dom nde. Men yetu bi sukjimnut yo kom mone dom nde.”

Yé gato Yefun Allah Gen yo bok nggwa mo nde yo, yé ne yo ku os wa jammo sukdu gato Yefun Allah Gen kadum nai án nde. Ye gato sane jam nde ware, án nut do, men ki sukdu dakai daret kaii, we Yefun Allah Gen yo kem mo án mit nde.

Wo men sa, men jam suk gato Yefun Allah fro ne, we Yefun Allah Gen dakai kadum nai men jam re. Yefun Allah Gen watbot suk mwa ne sor, Yefun Allah Gen jam Yefun Allah bi sukjimnut gato kru ne kom mo mit re.

Men jam suk mwa gato Yefun Allah dakai syo nai men yi kadit men yetu bi sukjimnut-i nde, wo An syo An Gen nai men subere men jam suk mwa gato Yefun Allah syo nai men dakai yi ne.

Ji ki sukdu subot Yesus Kristus nai nin sa, ji duno nin, ji yo wergat nin tepsu ye gato jam suk mwa ne duno nje nde, wo ji ki ji bi sukdu-i ndaf yi sor, ji yo ki su kwa gato kru nde. Ji ki ji bi sukdu-i, ete nin me Yefun Allah Gen bi suktinggi ne bor mone, we sukdu ne pet mo nin mit re. Sane nin onyar kem mo sukdu ne kadit ji ki sukdu tepsu yetu bi sukjimnut gato ko ne nde, wo kadit Yefun Allah Gen bi suktinggi pet mo nin mit ne sor.