Popular Bible Verses from ROMA 3

Share

Ngoa̒amila tau mai̒lodusa wau lolamingo lonto Allahu Taa̒ala tao̒hilaa mopoa̒ahu olimongolio. Bo sababu odehu hilaa lo Allahu Taa̒ala wambao̒ uilohi mai wolo bebasi, wumbuta lomanusia wolo Allahu Taa̒ala luli lopiohei; dudelolio yito: manusia yilopatai li Isa Almasi.

deu̒ Allahu Taa̒ala mowali mohutu manusia mopiiohe wo-Lio, tumbao̒ wonu manusia palacaya li Isa Almasi; Allahu Taa̒ala mohutu mai utie ode ngoa̒amila taa palacaya li Almasi; sababu diaaluo hiheedio

Allahu Taa̒ala lopobake mai li Isa Almasi alihu wolo opopate-Lio boito manusia poi̒laalolo molopato monto totala wonu timongolio palacaya o-Lio. Allahu Taa̒ala lohutu odito u mopo bilohei o adili-Lio. Sababu tou̒ yilalu mola masilabalia lo Allahu Taa̒ala duduu-sawaalo manusia, tilinggula Tio diila lohukuumani mai olimongolio. Bo botia hepilohutu-Lio ode dusa boito u mopo bukuti mao̒ o aadili-Lio. Wolo dudelo boito Tio mopo bilohei deu̒ batanga-Lio otutu; wau timii̒du taa palacaya li Isa poi̒laalo-Lio mai odelo taa maluli lopiiohe wolo Allahu Taa̒ala.

Sababu diaaluo penu boli ngotaa mao̒ mowali mopiiohe wolo Allahu Taa̒ala masababu tau boito helohutu susuu-aliyaalo uwoluo todelomo butoo̒ lo agama. Bolii̒o mao̒ butoo̒ boito bo mopobilohei tomanusia deu̒ manusia odusa.

Debo odelo u tulatulade todelomo Kitabi, “Diaaluo penu boli ngotaa mao̒ tao̒tutu, diaaluo penu boli ngotaa mao̒ tamongalati wau diaaluo penu boli ngotaa mao̒ tamolubo Allahu Taa̒ala. Ngoa̒amila tau malo poo̒lamingo batanga lonto Allahu Taa̒ala; ngoa̒amila mailapalo. Diaaluo penu boli ngotaa mao̒ helohutu u otutu; penu boli ngotaa mao̒ diaaa̒!

Sababu pulito lohuhamalio yito odie: Tau poi̒laalolio muli mopiiohe wolo Allahu Taa̒ala, diila bo sababu tio helo ponao̒ wolo u tulatulade todelomo butoo̒ agama lo Yahudi, bo sababu tio palacaya li Isa Almasi.

Tantu diila! Sababu malo patatai Allahu Taa̒ala laito otutu, eleponu timii̒du tau hipo himbuloa. Todelomo Kitabi tulatulade, “Wajibulio yio̒ obukuti otutu todelomo wolo uiloi̒yamu, wau yio̒ moo̒haama tou̒ yio̒ butoo̒lio.”