Popular Bible Verses from IMAAMATI 19

Share

Diila mao̒ pomalasi niyati wau diila mao̒ polonuo̒ totaa wewo, bo tolia̒nga mao̒ timongotamu debo odelo timongoli motolia̒nga batanga limongoli lohihilao. Wau̒lo EEYA.

Diila mao̒ tatoowa alipumu u mohutu tutuuotalo meaalo momali wawaau̒mu odelo tuoto limilimi totaa yilate. Wau̒lo EEYA.

lopo tunggulao̒ ode bangusa lo Isirai̒lu palenta botie, “Mamusi timongoli mantali, sababu Wau̒ EEYA Allahu Taa̒ala limongoli yito mantali.

Diila poniyati penu boli olita. Pobelesia mao̒ polohihede huhama penu boli wolita, alihu timongoli diila odusa sababu taawewo.

Diila mao̒ ponao̒ mei̒ naseehati tohulango tahemo wumbuta wolo roroo-huwaalo lotaa mailate. Wonu timongoli mohutu mao̒ uito timongoli mowali najisi. Wau̒lo EEYA Allahu Taa̒ala limongoli.

Diila mao̒ popoloo̒po pitana towolota lotau-tauwalo ngobangusamu, alihu timongoli diila moo̒sababu opopate lo timongotamu. Wau̒ EEYA Allahu Taa̒ala limongoli.