Popular Bible Verses from YOSUA 2

Share

Odito ilodungohe lamiaatia wungguli boito, amaatia mailoohe daa̒. Ngoa̒amila tau-tauwalo lamiaatia madiduu̒ obuheliilio sababu timongoli. EEYA Allahu Taa̒ala limongoli otutu Allahu Taa̒ala Taa Laba-labaalo kawasa tohulungo wau todunia.

Amiaatia maloo̒ dungohu habari tomimbihu woloolo mola EEYA helo pohengu Deheto Gelaga totalu limongoli, tou̒ timongoli lololaa mao̒ Masiri. Amiaatia olo maloo̒ dungohu woloolo mola timongoli helomate yila-yilateelo mao̒ olei Sihon wolei Og, ti olongia duulota bangusa lo Amori boito to ambahu tiimuru lo Dutulaa Yordan.

Hui boito tou̒ tatilugasia motelete lou̒ poo̒-poo̒oyo taduulota lo Isirai̒lu boito diipo lotuluhu, ti Rahab malo botulaa mola ode pahu, wau loloi̒ya mao̒ olimongolio, “Otaawa lowatia deu̒ EEYA malohudu mai lipu botie ode limongoli. Ngoa̒amila taatewe moohe olimongoli.