Popular Bible Verses from YOSUA 1

Share

Eelai mao̒, Wau̒ malo malentai olemu alihu yio̒ tio̒otutua yakini wau buheli! Diila mao̒ oohe meaalo diila botie o sumaangati, sababu Wau̒ EEYA Allahu Taa̒alamu pee̒-pee̒enta wolemu penu boli ode utoonu ponao̒wamu.”

Buku lo butoo̒ botie musi laito pobacaamu mao̒ to umati-U̒. Poo̒olaata mao̒ buku boito hui wau dulahu, alihu laito yio̒ moponao̒ ngoa̒amila utula-tuladee todelomio. Wonu yio̒ moponao̒ mao̒ ngoa̒amilalo boito, tutumulumu maa maa̒amulu wau otilapulo.

Bo, mamusi yio̒ tio̒otutua yakini wau buheli. Yio̒ musi modaha mao̒ alihu yio̒ modungohe ngoa̒amila butoo̒ uilohi odelei Musa wato-U̒ boito olemu, wau diila mao̒ palongamu penu boli ngoi̒di mao̒, yi yio̒ maa otilapulo.

Penu boli ngotaa mao̒ diaaluo tamambo mopoo̒laaheo̒ olemu, Yosua, ngotupa lo tutumulumu. Sababu Wau̒ malaito pee̒-pee̒enta wolemu debo odelo Wau̒ omoo̒omolu pee̒-pee̒enta wolei Musa.

Mamusi yio̒ yakini wau buheli, sababu yio̒ mamodelo bangusa botie tou̒ timongolio motibiluloa̒ tolipu u pilodanti-U̒ odeli nenemoya limongolio.

Wau̒ malo tahuda mai odelei Musa deu̒ timii̒du madala potidutaa̒ limongoli mailohi-U̒ mai olemu, Yosua, wau ode ngoilanggubu umati-U̒.

Tahuda lo EEYA, “Wato-U̒ tei Musa mailate. Yi botia opiohelio yio̒ wau ngoilanggubu umati lo Isirai̒lu motidapa-dapato u mobalango Dutulaa Yordan, wau tumuwota mota ode lipu uwohi-U̒ mao̒ olimongolio.

Lapatao̒ tei Musa yilate, wato lo EEYA boito, EEYA helo tahuda mai ode wakili lei Musa, deu̒yito-yito tei Yosua walae̒e Nun.

Madalamu mabua̒-bua̒de monto huta datahu u luasi daa̒ udelita to huliaalio demola hihui̒-hui̒dea lo Libanon totilayo wau monto Dutulaa Eperat u leidaa̒ boito to tiimuru tulusi meituwoto lipu bangusa lo Het demola Lau Tenga to otolopa.

Timii̒du taa udiila mohuto taa̒aluku to okokawasamu, meaalo diila moduduo̒ palentamu, mahukuu-maniyola mate. Mamusi yio̒ yakini wau buheli!”

alihu momalito ode ngoilanggubu polokemawa umati lo Isirai̒lu wau mongohi mao̒ palenta botie, “Podapato mao̒ tomeu̒, sababu donggo tolo hui mola poli timongoli musi mobalanga Dutulaa Yordan u motihuloa̒ tolipu uwohi mai lo EEYA Allahu Taa̒ala limongoli ode limongoli.”