Popular Bible Verses from MONGO HAKIMU 7

Share

EEYA lotahuda odelei Gideon, “Tahidudua̒ olemu mailaba daatalio. Wau̒ diila mohuto mongohi olimongolio u moo̒haama to taulo Midian, sababu de pikiilangio mola limongolio deu̒ timongolio moo̒haama sababu lotoli mongolio lohihilao, tilinggula timongolio diilalo momuji ola-U̒.

Lapatao̒ EEYA lotahuda odelei Gideon, “Wolo otolo hetuto lota tahe lodelita taluhee boito, Wau̒ mamopo lopata olimongoli wau mongohi u moo̒haama olemu totaulo Midian. Ahuliilo mota tawewolio mohualingo.”

Oditolio, pomalaa-lumualo mao̒ ode tahidudua̒ olemu, ‘Tatoonu tamolaasa moohe, musi hua̒a mololaa mao̒ Hui̒dee Gilead botie wau muli mohualinga ode belelio.’ ” Yi woluo dulo pulaa dulolihu lota talo hualinga; wau bo mopulu lihulota taleitolaa.

Lapatao̒ EEYA luli lotahuda odelei Gideon, “Tahidudua̒ olemu donggo dadaata daa̒. Delowalo timongolio ode dutulaa. Mola teto Wau̒ mamo lulaotao̒ olimongolio ode olemu. Wonu Wau̒ motahuda mai olemu, ‘Tau botie musi monao̒ wolemu,’ tio musi monao̒. Bo wonu Wau̒ motahuda mai, ‘Tau botie diila mowali monao̒ wolemu,’ yi tio diila mowali monao̒.”

Yi tei Gideon malodelo tau-tauwala boito ode dutulaa, lapatao̒ EEYA lotahuda mai odelei Gideon, “Taa u modilatao̒ taluhee debo odelo apula, musi pohalahumu mao̒ monto taa u moti bonggohuu̒ mongilu.” Yi woluo tolo hetuto lota tahelo dilata taluhee lonto uluu̒lio; ngoa̒amila taawewo heloti bonggohuu̒ longilu.