Popular Bible Verses from MONGO HAKIMU 6

Share

Malai̒kati lo EEYA boito lopo biloheo̒ batanga to olio, wau lotahuda, “Wuu, tabohulotau tamolotolo boli buheli daa̒! EEYA wolemu!”

Lapatao̒ EEYA longohi mao̒ palenta botie odelei Gideon, “Wolo ngoilanggubu olootolumu ponao̒lo mota molopata taulo Isirai̒lu monto taulo Midian. Wau̒lo talolao mai olemu.”

“Tantuulo yio̒ mowali!” tahuda lo EEYA, “Sababu Wau̒lo tamaa momantumu. Tau-tauwalo Midian mamowali antuluwomu mao̒ wolo gambangi, debo odelo yio̒ bo motaalua wolo ngotaalio wambao̒.”

Tametao̒ lei Gideon, “Maa̒apu, Tuani! Wonu otutu EEYA wolo mongowatotia, yilongola totoonulalo sua̒li botie helo toduo mai ode mongowatotia? Tou̒toonu totoonulalo moo̒linggolabe u mapee̒enta hepilohutu lo EEYA muloololio mai wau heilungguli linene moya lo mongowatotia pasali woloolo mola EEYA lopolualao̒ olimongolio lonto Masiri? Botia EEYA malo lolaa olo mongowatotia wau lopoluli olo mongowatotia kiluwaasa tau-tauwalo Midian.”

Tei Gideon lolametao̒, “Yilongola watotia, yaa EEYA? Diila pongalo aakali watotia tamolopata umati lo Isirai̒lu monto okokawasa taulo Midian. Todelomo suku Manasye, kaumu lo watotiaalo talaba-labaalo molulupuhu. Wau todelomo ngaalaa̒ lo watotia olo watotiaalo talaba-labaalo diila oboliilio sama-samaata.”

Todulahee tuwau malai̒kati lo EEYA lonao̒ mai ode kota lo Opra, lapatao̒ lotihuhuloo̒ towalungo bungo lo terpentin, miliki lei Yoas, ngotaalio lo Kaumu Abiejer. Walai̒o tai̒lunte Gideon, donggo hemo pomolotao̒ pale totambati hepo mitodela angguru. Tio helohutu uito tuua̒ao̒-tuua̒ao̒ alihu diila oontonga taulo Midian.

Lapatao̒ tei Gideon malomongu mesba tuwau mola teto wau longunte mao̒ “EEYA Bungo lo Moa̒ahu”. Mesba boito donggo woluo to Opra, deu̒yito-yito kota taulo Abiejer.

Tametao̒ lei Gideon, “Wonu watotia otu-otutuulo mao̒ aahudu lo EEYA, ambunguolo ntali wohia mai tuota tuwau deu̒ memangi EEYAAlo talongohi mai palenta boito ode watotia.

Bo EEYA lotahuda ma olio, “Potiduo̒tolo mola! Diila mao̒ oohe, yio̒ diila taamate.”

Pee̒entapo umati lo Isirai̒lu ilodusa to EEYA, tilinggula Tio lopoluli mao̒ bangusa lo Midian helo tolokawasa olimongolio pitu lotaunu mola hiheolio.