Popular Bible Verses from PILOTIMUA̒TA 11

Share

EEYA lotahuda odelei Musa, “Wau̒ mamuli mopowoluo mai baala tilahuo̒ tuwau odeli olongia lo Masiri wau ulipulio. Lapatao̒ uito, tio mamo pululi mao̒ olimongoli monao̒. Tumbao̒ timongoli ngoa̒amila maa polontulolio monteea.

Timii̒du walao̒ talolai̒ tamohuhula daa̒ to Masiri maamate, tumulalo mai walai̒ olongia lo Masiri tunggula ode walao̒ lowatolio taabua tahemo hilinga pale. Walao̒ tabohulo potutuolio mai monto ngoa̒amila bibiahu maamate olo. To ngoilanggubu lo Masiri maa odungohe suala hilimuta daa̒, debo odelo udiipo pee̒enta mao̒ lotoduo mai wau madiilalo motodua mai poli.

EEYA lotahuda odelei Musa, “Ti olongia diila tamo mandungi loi̒yamu, alihu Wau̒ mowali mohutu lebe dadaata mao̒ u moo̒linggolabe to ngoilanggubu lo Masiri.”