Popular Bible Verses from PILOTIMUA̒TA 10

Share

EEYA lotahuda odelei Musa, “Ponao̒lo mola motaalua woli olongia. Wau̒ malo powali mao̒ olio wau tahidihuma pantungo lipulio baa̒ngiyolo alihu Wau̒ mowali mohutu u moo̒linggolabe tohuungi mongolio, wau alihu yio̒ moo̒ wungguli mao̒ towalao̒ wau wombumu woloolo mola Wau̒ mopoitohe bangusa lo Masiri wolo u moo̒linggolabe boito. Yi timongoli mamotota mao̒ deu̒ Wau̒lo EEYA.”

EEYA lotahuda odelei Musa, “Bintaaa̒ mola uluu̒mu odeitaato, yi huta lo Masiri mawanggube mai lo modio̒loma tutu.” Tei Musa malo mintaaa̒ mola uluu̒lio odeitaato, wau ngotilonggadu tolo hui mola ngoilanggubu huta lo Masiri yilanggube lo modio̒lomo tutu. Tau-tauwala lo Masiri diila mowali moo̒onto wolo-wolo wau ngotilonggadu wakutu boito diaaluo penu boli ngotaa mao̒ tamoo̒ nao̒ boli ode utoonu. Bo to bebee-leyaalo taulo Isirai̒lu debo mombaango.

Tei Musa lomintaaa̒ mola tunggudio wau EEYA helohutu mai dupoto tiimuru lohiipa tolipu boito. Ilo-ilolaanga wau ilo-iloonua. Tou̒ madumodupai dupoto boito helo potombotai bubuu-litaalo ulaba-labaalo daatalio boito, tilinggula lopolu lomola ngilanggubu lipu. Diipo pee̒enta mao̒ tau heloo̒onto bulita odito daatalio, wau lapatao̒ uito olo sua̒li u odito diilalo helo toduo mai.