Popular Bible Verses from TINGULI 28

Share

“Wonu timongoli modungohe to EEYA Allahu Taa̒ala limongoli wau debo molotolo hilao mohutu mao̒ ngoa̒amila palenta uwohi mai lowatia todulahee botie, yi Tio mamopowali olimongoli bangusa talaba-labaalo masaahuru todunia.

Podungohulo to EEYA Allahu Taa̒ala limongoli, yi ngoa̒amila balakati botie mawohi-Lio mai ode limongoli

EEYA Allahu Taa̒ala limongoli mamopowali olimongoli tau̒wa towolota lo babaa-ngusawalo, bo diila muri. Wonu timongoli tatapu wau molotolo hilao modungoheo̒ ngoa̒amila palenta lo EEYA uwohi mai lo watia todulahee botie, timongoli malebe mao̒ maa̒amulu mola wau diila pee̒enta mao̒ tumouli.

EEYA mamopo tuhutai didi to sembolio monto tambati polahuwa-Lio ulaba-labaalo daata tohulungo. Tio mamo balakati mai totoonulalo tolopani limongoli, tilinggula timongoli mowali mopo bulotao̒ ode dadaata bangusa, bo timongoli lohihilao sambeloolo mobuloto.

Wonu timongoli tuhuolio, EEYA mamopo olaaheo̒ muusu limongoli. Timongolio mamohutu alihu moolato moluhu lou̒ aa̒atulu, bo tumeteo̒ wolo aa̒a-mbulatia.

EEYA Allahu Taa̒ala limongoli mamo balakati mai tolopani limongoli wau moluango yiyii-bungowalo limongoli wolo pale. Tio mamo balakati mai olimongoli tolipu uwohi-Lio mai olimongoli.

Mabara-balakatilo totoonulalo kelekela limongoli.

Mabala-balakatilo kokoo-tawaalo wau hahaa-laboluwalo limongoli.

Mabala-balakatilo timongoli, tilinggula mongo walai̒ mongoli dadaata, tilapulo huta limongoli letaletaao̒ wau sapi boli batade himba limongoli ojumulaa daa̒.

Wonu timongoli modungohe to EEYA Allahu Taa̒ala limongoli wau mohutu mao̒ totoonulalo palentaa-Lio, timongoli mapowalii-Lio umati-Lio lohihilao, debo odelo u dilanti-Lio mai.

Mabala-balakatilo sembo lopale limongoli boli ua̒alo u pohutuo limongoli monto pale boito.

Timongoli mawohiya-Lio walao̒ dadaata. Bibiahi mongoli mamowali dadaata wau tilapulo huta limongoli laba-labaalo daatalio tolipu u dilanti lo EEYA odeli nenemoya limongoli u wohi ode limongoli.

Yi ngoa̒amila bangusa todunia mamoo̒onto deu̒ timongoli bangusa tatilulaoto EEYA, wau timongolio mamo hulumati wau moohe olimongoli.

Bo diila mao̒ pomalonga sama-samaata papaa-lentawalo boito penu boli wolo dudelo woloolo mola olo. Diila mao̒ pomuja olo wau motiwato to ii̒i-lawaalo wewo.”

“Bo wonu timongoli diila modungohe to EEYA Allahu Taa̒ala limongoli, wau diila tatapu wau molotolo hilao mohutu mao̒ totoonulalo palenta wau buto-I̒o uwohi mai laatia olimongoli todulahee botie, yi totoonulalo laa̒anati botie mamotoduo mai olimongoli