Popular Bible Verses from ÙRÙM 8

Share

At Ala a'la akalùk nit ninayoko hesikesik, nit at ebe ninetawì welago mene hùgì, at ninom logolìk, yì mene tì mene hano asuagalùk, haga'nisìlì'logo.

Atì'nogo meneat he, Ala ninebe etawì nen ninoe Etagepogot Karìsùt Yesùt wo'nisasikomo ebe wa'lagaike atì ba ninom hutik were'ma ninebe wa'lasumo mel, nineluk logoumo mel, atì nen hek hogo hinasak mea o. Malaikat pogot oba yoko negarek mene atì inom, pogot oba inomame werek mene aike atì inom en, hek hogo hinasak meat o. Yì mene tì mene yogotak haga'lagarek mene mel, hobuk haga'lasigin mene mel, atì nen hek hogo hinasak meaat o. Nen, omame werek mene aike nen hek hogo hinasak meaat o. Nen, yì mene tì mene pogot oba welagarek mene mel, a'ma baga welagarek mene mel en, hek hogo hinasak meaat o. Nen, Ala nen walhasike mene hunigat mene aike nen hek hogo hinasak meaat o. At Ala nen ninebe etawì'ninapikomo, Karìsùt Yesùt hagasike atì ba, obogat atì'nogo weak haga'ninapenem nit hek hogo hinasak mea o. We, apùnì wùlì tagalogo inoarìk inomame agaikarek hak ninomame agorek ìlùk hùthìkì lagì o.

Atì'nogo serogo logolìk he, nit ninebe mabenat were'ma re, Ala Areagùn nen lebe'nisìlì'logo. Nit Ala ayoko houogolùk ninane nìkì'nogo u heat ninoake palek were'ma, Ala Areagùn nen apùnì inane ba usak mea mene, etawì ane ba Ala ayoko hìlì'logo.

Wene obogat atì hesik, nit en nìkì'nogo ugun. Ala nit werekwe aga halok, sa nen mabenethinasak nogo. Mea o.

Yogotak nit Karìsùt Yesùt ninom hutik welago mene hùgì Ala nen ùkùm ninoba hìlìk weaga'ninabigin lek o.

Apùnì inoabùt inesogat logolìk hagatarek mene oba ebetì logogun halok, elùgùn oba inebe motok wa'lasugun atì. Meneat he, Ala Areagùn ina'la kagalhenem hagatarek mene oba ebetì logogun halok, inetaùken hapuk hogo ineluk motok logogun atì.

Atì'nogo meneat he, Ala ninebe etawì nen ninoe Etagepogot Karìsùt Yesùt wo'nisasikomo ebe wa'lagaike atì ba ninom hutik were'ma ninebe wa'lasumo mel, nineluk logoumo mel, atì nen hek hogo hinasak mea o. Malaikat pogot oba yoko negarek mene atì inom, pogot oba inomame werek mene aike atì inom en, hek hogo hinasak meat o. Yì mene tì mene yogotak haga'lagarek mene mel, hobuk haga'lasigin mene mel, atì nen hek hogo hinasak meaat o. Nen, omame werek mene aike nen hek hogo hinasak meaat o. Nen, yì mene tì mene pogot oba welagarek mene mel, a'ma baga welagarek mene mel en, hek hogo hinasak meaat o. Nen, Ala nen walhasike mene hunigat mene aike nen hek hogo hinasak meaat o. At Ala nen ninebe etawì'ninapikomo, Karìsùt Yesùt hagasike atì ba, obogat atì'nogo weak haga'ninapenem nit hek hogo hinasak mea o. We, apùnì wùlì tagalogo inoarìk inomame agaikarek hak ninomame agorek ìlùk hùthìkì lagì o.

Nit o yogotak welago ya ba re, yì aik tì aik hìkì lago atì, hamùlùgat negen. Mene re, hobuk, Ala nen ninebe hunigat mene haga'ninapenem hogo'ninabugun atì nek he, hùkoat o. Halok, eperak walhamo re, eperak higit lek, na'la akìkì lagì o.

At Karìsùt ninebe etawì nen ninom hutik were'ma, sa nen hek hogo hinasak nogo. Yì aik tì aik haga'ninapìk, ekin mene ninoba hìgìk, umo atì nen hek hogo hinasak nogo? Mea o. Apùnì nen he, “Hinebe Ala againapùrì,” ìlùk weaga'ninabumo atì nen hek hogo hinasak nogo? Sùpùrùk no agìk, ninasu yì mene tì mene ninelageik agìk, umo atì nen hek hogo hinasak nogo? Youk agìk, ninebe ninoatìk, umo, atì nen hek hogo hinasak nogo? Mea o.

Atì'nogo ayoko hikenem he, at Ala nen ninetaùkenma motok peneteresi'mo nogo nen he, at okawerek a'la akikerek mene higit hogo, at Areagùn nen at againapùrì hesik ayoko hikenem hùthikerek.

Ala nen Areagùn wokhisikerek atì re, apùnì inebe it aike inatitigeke logolìk inoabùt inayùksek hagatarek atì hak, hagathinapì logouagalùk wokhisikerek hùk. We, at Ala okawerek againapùrì hagathinabìk, kùlhinabuagalùk wokhisikerek. Atì nen he, it apùnì Ala Areagùn nen wogisek nikerek mene hùgì, inebe lopok he, inebe Ala againapùrìat werek o. Atì'nogo logolìk ninebe Ala Areagùn oba hìpìrethìlìk logolìk he, mel ìkì lago: “Nopase Ala, nopase Ala,” ìlùk ninane pak hogo ìkì lago atì.

It aike nen apùnì inoabùt inesogat logolìk hagatarek mene inoabùt wìlì'lùgì mene atì, ina'la re, wene apùnì meneat oba ebetarek o. Nen, it aike nen Ala Areagùn oabùt wìlì'lùgì mene re, ina'la wene at meneat oba ebetarek.

At okawerek aput etawì agì'lek nit obogat hesik wa'lasuagalùk lakhei wagaike. At oabùt hano nen atì'nogo wo'nisasikesik he, yì mene tì mene oba louk hogo wo'nisegein lek nogo? Wo'nisegeinat o.

Atì'nogo ìkì lago atì re, at Ala Areagùn nen, “Hinebe Ala againapùrì o,” ìlùk yogonisikenem, nit ninetaùken oba nen ogorek atì. Nit ninebe Ala againapùrì halok he, at Karìsùt yì aik tì aik hasike hak, hogoin halok, Ala nen nit Karìsùt ninomat hogo'ninabigin atì nen he, Ala nen yì mene tì mene at againapùrì wogisagalùk abok yogoisasike mene atì, at Karìsùt ninomat wo'nisamo, en logogun o.

Apùnì inoabùt inesogat logolìk hagatarek mene a'nogo oba ebetì logolìk, Ala awe a'ma kìlìk ane hologo logousak mea nen hologo welagaikarek lek atì nen, at inom weim palek werek o.

Pogot kweang yì mene tì mene Ala nen walhasike mene yoma nen he, “Ala againapùrì inebe hùnogoat hagarinapenem sele'ma hogorinabugun atì mera haga'lasigin,” ìlùk, alìk warì'lùgì.

Hìmì nen, ineagwì taginapì logolìk he, inapot heinet weak watì logolìk inetawì ane egarek hak, pogot kweang yì mene tì mene Ala nen walhasike meno yoma obogat o hageat en heinet watì logolìk inetawì ane ìlì'lùgìat o.