Popular Bible Verses from ÙRÙM 7

Share

An nokawerek na'la re, wene Ala nen ninasuk wasike wene atì hologo logogin akìgìrek meneat he, noabùt apùnì inoabùt inesogat logolìk hagatarek atì nen yogonetenem ane hologo welagìrek atì. Atì'nogo welagìrek atì nen, nebe motok noasigin atì, eigo. Sa nen telnabigin. Ninoe Etagepogot Yesùt Karìsùt hagasike atì ba telnabigin atì nen he, “Nopase, Ala,” ilùk hai watì lagì o.

Higit hogo hagasigìlùk walok akìgìrek meneat he, ebe an nen hagasusak he, mea o. Atì re, an noabùt he, hano mene aike hagatìrek hùk. We, noabùt apùnì inoabùt mene nesogat logolìk hagatì lagì, ìlùk nelu o.

Hano mene hagasigìlùk akìgìrek meneat he, ebe hagatì lagì lek. We, weak mene hagasigìlùk akìgì'lek meneat he, atì meneat hagatì lagì.

Na'la nen walok akìgì'lek. Nabìt akìgìrek mene hagatì lagì halok he, an nebe nen hagatì lagì lek hìgì. We, weak hagatarek mene na'la welagarek mene atì nenat hagarì'logo.

An noabùt hagatìrek ìgì atì re, mel hìkì lagì. Hano hagasigilùk ikenem he, weak hagasusak enek haga'naperek o. An na'la nen he, “Wene Ala nen ninasuk wasike wene atì hano,” ìlùk akìgìrek meneat he

An na'la nen walok akìgìrek mene lek. We, nabìt akìgìrek mene hagatì lagì atì re, “Wene Ala nen ninasuk wasike wene atìat hano,” ìlùk u hagat hagatì lagì o.