Popular Bible Verses from ÙRÙM 5

Share

Atì'nogo meneat he, at Ala ninebe etawì nen hagaterek atì enagat asuagalùk, nit weak hagato were'ma, Karìsùt ebe wo'nisasikomo ninobùlù'mo wa'lagaike atì.

Hano asigin ìlùk nina'la hai hakìkì lago atì ba, Ala nen Areagùn wo'nisasikomo nina'la logolìk, i hinatarek hak, Ala nen etawì'ninaperek mene atì nina'la hùkorogo hinikerek atì ba ninayù'lek welago.

Atì hesik enek nina'la hai hakìkì lago hùk. Yì aik tì aik hogorek atì ba, ninetaùken wurik agarek atì nen he, atì'nogo weaga'ninapo kolek, nina'la hai hakìkì lagoat o. Ninetaùken wurik agaresik elùgùn oba re, Ala nen ninoabùt palogo hano ikerek. Atì'nogo ikerek oba, hobuk eberogoat hano asigin, ìlùk nina'la hai hakìkì lago.

Yogotak he, nit ninetaùken Ala oba hìpìrethesugu atì nen, ùkùm ninoba mene korogo wokhìlìk ninom ninapotkwe hùnogo hinasikomo, ninoe Etagepogot Yesùt Karìsùt hagasike atì ba Ala ninom lìoksek welago. Nit ninetaùken Yesùt oba hìpìrethesugu atì baat, at en Ala oabùt hano nen hano'ninaperek atì a'ma hinikomo atì ba hakothìlìk welago. Logolìk, Ala hogorato motok welagaikarek atì hak, nit atì'nogoat hogo'ninabigin o, ìlùk nina'la hai hakìkì lago.

Nit he, Ala ebe hebùlùk walegat asi lagagusik, ninebe mabenat were'ma, at Ala nen he, “It atì'nogo werek atì hesik, Karìsùt tì sat wa'lasuak,” ìlùk akasike baat ebe wasukwama wa'lagaike atì.

At Karìsùt mep wulagasogo wa'lagaike atì ba, ùkùm ninoba mene korogo wokhìlìk Ala ninom hobuk ninapotkwe hinasikesik nogo nen he, hobuk Ala a'mage ninoba hikenem telninabigin lek nogo? Telninabiginat o.

Ap omakeat en Ala ane hologo hagatì'lek weak hagasike atì ba re, apùnì inebe apigat weak hagarìk wagaikarek atì hak, ap omakeat en, Ala ane hologo hagasike atì ba re, apùnì ninebe apigat ùkùm ninoba mene korogo wokhasikomo Ala a'la walok mene hagatì logogun atì.

Mene re, atì nek hùk. Ninoe Etagepogot Yesùt Karìsùt hagasike atì ba, Ala ninom hobuk ninapotkwe hùnogo hinasikomo ninom hano welago atì nen he, nina'la hai hakìkì lago.