Popular Bible Verses from Ibrani 4

Share

At Allah wene yiligogo eti mbirok enggat abel pelak-pelak mondok mago eti, ndak dek o. Mende, at Allah wene eti iluk mende obatneyak enggat weyak mondok dogolik, inowak elenggenma unggigik, inamunggok elola unggigik, kagasu kak, inakla inendainggen oba paka lalok nen, inakla ambaligogi mende inom, inendainggen nen warlok ambaligogi mende inom, ilenggen erlok mbenarigogo.

Eti paga, nit weyak asusak werekma, nanonggal ninombae Allah obabut pano nen ninaʼbuwa niyigik, yamak niyigik, kagasuwagaluk, at Allah nggok dogoligogoma dogolik obabut pano oba kiyanerogo kagarigogo eti paga, ninayuk dekogonat korokogo ungguwok o.

Nit ninewe nggok Allah indewerek dogoligogo eti nit ninobatne dek erlok dek yiluk, at onggodek ʼbuk. At nit ninobabut waganggikesik werekma, nit weyak kagasuwagaluk weyak mende etnogo nen ninakla nggagaligogo kak, at esigit dilugat yi mende ndi mende pasik akla nggagali wago lagike mende, at weyak omanggi kagakidek dogolik ninobabut ilu o.

Allah il oba, yi mende ndi mende at nen walkasike mende omanggi limago werek mondok dek o. Mende, at il oba, yi mende ndi mende taʼbokogonat, selekma mondok werek eti paga, nit kagarigogi mende, at ilumo ninoba dombogat ninom yugun o.

Nit ninewe nggok Allah indewerek Allah aʼbut Yesus etnogo mbogot wusaka wagik, mbogot abel ombongge Allah werekma dagisikesik, nit ninake werek eti paga, nit ninendainggen at oba panggot diluk ninane ʼbukakogo yiligogi mende eti nininggi aʼbetogo pago doguwok o.

It alep Allah wene kologo motogo kagakidek dogolik, set waligidek eti kak, nit amberek it inomanem set waligidek kagasunogo yiluk, ninobatnerogo kagako doguwok o.