Popular Bible Verses from La’biyaske 9

Share

Esigit diluk yogokike mende, ninewe Endaganggok nen, “Lan o. At nen akoni sikmangge mende inom, ineugi inendaganggok mende inom, akoni Israel mende inom, an nendaga yogisilik noko dogowagaluk, an nen ap eti ebe mikogo ayonggo ʼbigima o.

Yasi wusa wisigin ambasike, at Saulus etnogo agat oba elokonggen sogumpogo wilasi wusasike. Wusasinem, ane ngga nen salek yogoko dogolik, “Saulus. Saulus. Anat yi aik ndi aik kagat nabigiluk muknarek noko lagan eti nenaluk?” yiluk yogokike. Esigit diluk yogokikemo, at Saulus nen, “Newe. Kat kebe ta?” yiluk yogokikemo, at nen, “An Yesus. Kat nen yi aik ndi aik kagat nabigiluk muknarek noko lagan etnogoat o.

Esigit diluk yogokikemo, at Ananias etnogo lagikesik nen, uma unggisikesik, inggi Saulus oba pakasi dogolik nen, men yogokike, “Saulus, nagarlak. Ninewe Endaganggok Yesus, kat o yoma wisigiluk kolagarlem wagonem, kelokoma melagama, kilenggen kegen mende etnaga nen, kat kilenggen ʼbenggel agik, Allah Agurengge kakla nggerlekogo unggi wagik, kagasuwagaluk laʼbani wagama wagi o,” yiluk yogokonem eranogo, at ilenggen oba denggelek welagike mende etnogo eranogoat, ʼbunggakogo wusasikesik nen, ilenggen pano agike. Pano agikesik nen, ebe melagikemo, ima wusa ʼbisike.