Popular Bible Verses from Ribilisan 6

Share

Talik, aras lalahni as talnayang dai, dawak kilna sakkidika ayangni laih Daunin kaltadai. Kidika dangnit yakat daunin kingni lani tanituna kidika kaiwadai, dawak sau sahyakna arungka kidika minityakat parasni kalana dai, war, yuh, siknis balna dawak sau dini anyang balna munah muih īna atnin yulni.

Talik aras pihni as talnayang dai, dawak kilna sakkidika laih tingni yakat las as duwasakdai. Kraun as kalana dai, dawak kalahwi minit bayakna dai dawak minit bayakna atnin yulni.

Sīp kidika yaklau tamp singka kidika bisna mani kat, sakripais busnin pāni kidika dinityakat talnayang dai Papang yulni yuyulwakat dawak witninis bik barangni yuyulwa yulni dininamak dadakna muihni balna dai kidika.

Aput parasni yuyulwa dai: “King holi dawak barangni, ¿mampat mani sau muihni balna kidika lanina yammayah dawak yangna yakat yanaihina kidika biri yammayah?” Bahang asna pipihni diana dai, dawak baisa ma buas urupdanama diatna dai, angkat mani witingna wanaihnina balna kidika Papang warkni yakat witingna ampus dadauna kat kaput dadauwarang kat.

Dawak aras ūk kalahna dai. Butuni kidika laih pauni dai, dawak kilna sakkidika muihni laih sau akat kulnin aslah lani kidika yakpamna atnin dawak witing yaklau yamwakat muih balna kidika biri biri kalina atnin parasni duna dai; dawak isparah nuhni as kalana dai.

Kat wah nuhni mani kidika laih uman kaiwi kana, ¿dawak wais sipkarangyah witing niningkauh yaklauna atnin?”

Sīp kidika yaklau tamp tiaskauas kidika bisna mani kat, talingkat sau isihna nuhni as sakdai. Ma kidika laih sani kalna dai, sihm kulnin bukna asnina kapat; waiku kidika bitik laih pauni kalna dai, sihm ā kapat, dawak yala balna kidika laih kisang kaupak sau yakat bubukna dai, sihm ani damni panani yakat wing parasni laihwakat minik batatani bubukwa kapat.

Sīp kidika yaklau tamp bās kidika bisna mani kat, di sangninaka duduwa balna kaupak bās kidika aput yulwakat dakanayang dai: “¡Aiwah!” Talik aras sani as talnayang dai, dawak kilna sakkidika muihni laih tingni yakat paun as duwasakdai. Dawak di sangninaka duduwa balna arungka kidika walsah yakat yulni as aput yulwakat dakanayang dai: “Plawar minik paun bu manah ma as warkni minit kidika, dawak cebada laih paun tiaskauas ma as warkni minit kidika; kaunah disala dawak wain kidika laih datang disnin awaski.”

Kisang kidika laih disna dai sihm wauhtaya as tuyulna kapat, dawak asang balna dawak ki wirni balna bitik laih panina kaupak naikau yaklalana dai. Dawak sau kingni balna kidika laih pa sulihni yakat dawak asang kinipala balna walsah yakat yakmamaldana dai, muih nunuhni balna, kalbauyang balna taninatuna balna, di duyang balna, parasnina duduwa balna, warau balna bitik dawak pri muihni balna kidika karak aslah