Popular Bible Verses from 2 Kurint 4

Share

Kat yangna laih talda dini balna yakat talasyangna, kaunah taldas dini yakat talayangna, kat talda dini kidika laih bayakwi kiunin dini, kaunah taldas dini balna kidika laih ban kaput atnin dini balna ki.

Kidika bahang yangna kulnikna bukwas ki. Bahang ahni yakat laih muihbarak kaltayangna karang bik, pasyakat laih ma balna bitik yakat wisamni alahwayangna. Yangna sangka yangna akat wauhtayangna kidika laih di as sirihni bayakwi; kaunah alasna yaksihni nuhni as dawak minit bayak ban atnin kidika duaiwi yanawi.

Kaput bik, trabil mahni karang bik, alahwinikna tani dis; kulwi kalbaunin mahni dutayangna kaunah isingna abahlwaski. Yanauhuiwi, kaunah yanaruhmwi dawas ki; yanatuklalakwi, kaunah yanadaukakalwaski.

Kaunah adika ritsni laih yangna muihkina yakat dutayangna, kidika laih sihm sau suba kapat ki, kidika parasni nuhni laih Papang kaupak kaiwa dawak yangna kaupak laih awaski.

Witingna rahm kukulwas bahang, adika sauni daniwan yaklau witingna sinsnina miniknapa kidika di talwas yammukna, Krais yulni wisam yamni yaringni Papang wayani sangka kidika talwas atninna yulni.

Kat Papang yaklau yaringni yakat kalyulwakat puksani kaupak kalahna kidika, sihm witing yaklau yangna isingna yakat yaringni kidika yanana, muih ūk balna yakat yaringni diana atnikna yulni, Papang alasnina yaksihni Jisas Krais muhni yakat yaringni kidika niningnakatinah.