Popular Bible Verses from 1 Jan 3

Share

Yang walakibis binina, mayang dalani lani duda kidika yul manah laih atnin awaski, kaunah lāih yamwi niningkanin ki.

Mayang amangladi dalani lani laih ais kidika kat Jisas Krais witing sangnika kidika mayang mayulki kalana; sihm kaput bik, mayang masangkika kidika bik mawanaihki balna yulnina dianin ki.

Talnauh Papang yaklau mayang yakat dalani maitalwa mani kat, Papang walanibis balna maiyulninna sipki, dawak rahm witing walanibis mayang. Kaput bahang, sau muihni balna kidika laih amangnilalawaski, bahang Papang yakat baisa amangnilalawaski.

kaunah angdika muihni dutni lan kalwa kidika laih muih alasni yulyang kidika dini, kat muih alasni yulyang kidika laih muhnilau kau dutni yamwi. Adika palni yulni kaina Papang walanibis kidika: muih alasni yulyang yaklau di yamna balna kidika daukalna atnin.

Papang walanibis laih as bik dutni kidika lan kalwas ki, kat Papang yaklau sangnika kalana kidika duwa bahang; dawak baisa sip dutni yamwas ki kat Papang walanibis kidika yulni.

Bahang muih as kidika di duyang karang kat dawak wanaihni kidika ilp dukih kalwakat talwarang, kaunah kalawas karang kat, ¿amput witing isning yakat Papang kaupak dalani lani kidika duwarangyah?

Angdika muihni balna witing lani balna yakat dakakawa kidika laih witing karak yalalahwi, dawak witing laih witingna karak ki. Dawak mayang kidika karak amangladi witing laih mayang karak kidika: Spirit mayana kidika yulni.

Amangladi angdika Papang walanibis balna kidika dawak angdika muih alasni yulyang walanibis balna kidika bik, kat angdika muihni yamni yamwas kidik awaskat yamni yamwa karang bik wanaihni yakat dalani talwa kidika laih, Papang dini awaski.

Adika ki manna muhnilau kau dakanamana yulni kidika: biri biri dalani kaltalnin.

Yang wirahki balna, manna di talas kapat atwinih sau muihni balna kidika yaklau dutni manayayamwakat.