Popular Bible Verses from 1 Jan 2

Share

Sau yakat dalani tatalwinih, dawak kidika di balna duwa kidika bik. Angdika muihni sau yakat dalani talwarang kat, Papang yakat laih dalani talwas ki; kat sau mayawa dini kidika as bik Papang kaupak kaiwas ki, kaunah sihm kidika sauni kaupak kaiwi. Dawak adika ki sau yaklau mayawa kidika: dutni lani mamuihki nuhni dukih mayawa kidika dawak ritsni balna mamikpa yakat dukih mayawa kidika bik.

Kaunah sau kidika laih witwi kiwi, di dudutni balna duwa kidika kauna; wirlawakat, angdika muihni Papang kulnin lani yamwa kidika laih ban kaput atnin sangka ki.

Angdika muihni Papang karak aslah alahwanayang ti yulwa kidika laih, Jisas Krais yalahna kapat yalahnin ki.

Yang walakibis balna, adika dini balna manaultayang dutni yamtas atnamna yulni. Muih as dutni yamwarang bik, Papang muhni yakat manakitdaknin muihni as dudi, kidika laih Jisas Krais, dawak witing laih la kat ki.

Kaunah muih as aput yulwarang kat: “Yang laih amangnilatayang”, dawak lani balna kidika kat dakawas kat, witing laih alas yulyang muihni dawak witing yakat di rahm kidika diski.

Papang lani balna kidika kat dakadarang kat, mayang laih rahm kulnin ki witing yakat amangnilanamayang kidika.

Angdika muihni awas yaringni yakat sakyang ta kidika laih, kaunah wanaihni yakat laih dutni kalyamwa kat, kidika laih baisa puksani yakat sak ki.

¿Wais kidika alas muihni yah? Angdika muihni Jisas laih Mesías awas ki ti yulwa kidika ki. Kidika ki antikrais, kat Papang kidika dawak Walanibis kidika bik talwas ki ti yulwa bahang.

Angdika muihni Walanibis kidika yakat talwas ki ti yulwa kidika laih, Papangni kidika yakat bik diski; kaunah Walanibis yakat ilpni yulwa kidika laih, Papangni kidika yakat bik duwi.