Popular Bible Verses from Varoma 12

Share

Mi nga xengetelweni ngu sa ditiko diya, aniko phindukani amu ka mapimo anu, kasiku mi ziva kuranda ka Txizimu: Ati i ku ta tinene, a ti ti mtsakisako, ni ti i ku ta kuhetiseka.

Na mi khongotela koko vanathu ngu wumbilu wa Txizimu, ti to mi ningela mimidi yanu, yi maha mhamba ya kuhanya ni ya kusawuleka, ayi yi tsakisako Txizimu, i kuwona mphaxo wu wu lavekako.

Tsakani kuthembani kwanu, mi txi timisela kuxanisekani; mi txi simama kukhongelani.

U nga xulwe ngu kubiha, kambe xula kubiha ngu wunene.

Zumbani ngu kurandana nga vanana va m'thu mmweyo, mi txi palisana ngu kukombisa txithavo ka mmwani ni mmwani.

Lirando li nga ve ni kuxengetela, vengani to biha, mi txi namarela ka ti i ku ta tinene.

Zamani kumaha ti mi ti kotako ngu didhawa danu, kasi ku mi hanya ngu kuthutha ni votshe vathu.

Vo randeka ngutu, mi nga photeni mipune, kambe lekani Txizimu txi ti henyela, nguko ti bhatwe ti taku: “Kuphota kulumba ani, ngani ni no tshumetela, kuwomba Mkoma.”

Khutalani, mi nga telweni ngu dikhodho; turani moyani, mi txi thumela Mkoma.

Ngu mtamo wa kateko yi ni nga ningwa, na laya mmwani ni mmwani a ku hagari kwanu ti to asi thuki a txi ti alakanyela kupinda mpimo wa fanelo yakwe, aniko a nave ni mapimo a kutiveka hahatshi, madingano ni mpimo wa likholo li Txizimu txi nga avela ka mmwani ni mmwani hagari kwanu.

Mi nga tshumeteleni kubiha ngu kubiha, kambe zamani kumaha ti i ku ta tinene masoni ka votshe vathu.

Zumbani ngu kuengisana; mi nga naveleni sa kuguleka; kambe sengelani ni va va ti vekako hahatshi; mi nga laveni ku ti maha titxhari mialakanyoni kwanu.

Aniko, ngako mlala wako a di ni nzala, mu he sakudya. A di ni ditora, mu ninge so sela, nguko u txi maha eto, wo hembenyetela makala a mndilo ha msungo kwakwe.

Katekisani va va mi zondako, va katekiseni, mi nga wombeni kubiha ngu vona. Tsakani ni va va tsakako, mi txi dila ni va va dilako

Vhunetani vasawuleki ka si va si pwatako, mi txi amukela vapfhumba ngu manza mambidi.

Nguko, kufana ni ku hi ku ni sihango sasingi ka mmidi wumwewo, kambe sihango siya si si mahiko mthumo wumwewo, ngu toneto nanathu, hambiko hi ku vangi, hi mmidi wumwewo ngu ka Kristu, se mmwani ni mmwani njihango txa mkwawe.