Popular Bible Verses from Mtuletelo 6

Share

Ni to wona ku txi humelela dihantxhi do kwalala. Mgadhi wa dona a ti dhanwa ku i “Kufa,” se a ti londetelwa ngu Gehena. A ningilwe mtamo wa kufuma didhawa da wumune da mafu, kasiku e daya vathu ngu ditxhari, ni nzala, ni ntungu ni sihari sa txitinga.

Se konako ni to wona dihantxhi do basa, mgadhi wa dona a di ni wulaho. Va mu ningile m'bhoti, se e huma, nga ndena, yi yi yako kuxulani.

Mbimo yi Txinvutana txi nga kwamula txixambanyo txa wutxhanu, ni to wona, hahatshi ka txiluvelo, mimoya ya vale va nga dawa ngu mhaka ya dipswi da Txizimu ni mhaka ya kuwa va ngadi fakazela.

Se vona va to kwangula ngu dipswi da hombe va txi kha vona: “Hi na kurinzela kala ditshiku muni, Mkoma wo sawuleka ni wa ditshuri, awe u telako ku ta lamula, ni kupharela mnoha wathu ka vaaki va ha ditikoni, kani?” Konaho, mmweyo ni mmweyo wawe a to ningwa syambalo so basa, se ve gelwa kambe ti to veya masoni ngu kuhumulanyana, kala kuza kutatiseka mtengo wa vakwawe ni vanawe, ava va no dawa nga vona.

Se ku to humelela dimwani dihantxhi, do bhilivila, se mgadhi wa dona a ti ningilwe mtamo wo thavisa kudikha ha mafuni, kasiku vathu ve dayana vapune. A ningilwe kambe ditxhari da hombe.

nguko di hokile ditshiku da hombe da kuhenya kwawe, se i mani a no sikota kuema, kani?

Ni txi woni Txinvutana, mbimo yi txi nga kwamula txixambanyo txa wutxhanu ni tximwetxo: Ku to humelela kuzinginika ka hombe ka mafu: Ditambo di to maha da mtima, nga nguwo ya mkhwasi, se mtxima wotshe wu hinduka wu bhilivila nga mnoha. Tinyeleti ta nzumani ti to khatuka ha mpfhukani ti wela ha mafuni, nga maxanvu a mambisu a mxanvu wu wu zuzwako ngu txihuhuri.

Mbimo yi Txinvutana txi nga kwamula txixambanyo txa wuraru, ni to engisa txivangwa txa wuraru txi hanyako, txi txi kha txona: “Ngono!” Konako ku to humelela dihantxhi da ntima, mgadhi wa dona a ti ni txikalo manzani. Konako ni to engisa txo nga dipswi, di humako ngu ka mune wa sivangwa si si hanyako, di txi kha dona: “Mpimo wumwewo wa fulaho wu xawa ngu male ya didhenari dimwedo, mipimo yiraru ya mahila ni yona yi xawa ngu male ya didhenari dimwedo, se u nga onhe mafura ni vhinya.”

Nzuma yi to thaviswa nga dibhuku da didhowo, ngako di di petilwe, se yotshe mimango ni sitondolo si rurisilwe ka wukhalo wa sona. Vafumi va mafu, ni tinduna, ni vathangeli va tiyimbi, ni vanyatithombe, ni vathu va mtamo, ni votshe tikhumbi ni vathuseki, va to tumbela maphalani ni hahatshi ka marigwi mimangoni.