Popular Bible Verses from Mtuletelo 21

Share

Se Txizimu txi na bahulela yotshe mirongo tikhoheni kwawe; kha ku na mbi swa ku txi maneka kambe lifo, hambi kudila, hambi tihuwa, hambi kupandiseka, nguko so khata si pindile.”

Senikoko, awule a nga ti maneka a di khalahatshile ha txikhaloni ka wukoma, a ti khene: “Wonani: Sotshe na si hindula si txi maha sa siphya.” Se a to engeta a txi khene: “Bhala, nguko mapswi awa ngo thembeka ni a ditshuri.”

Se ni engisile kambe dimwani dipswi da hombe di nga pfala di txi khukhela ka txikhalo txa wukoma, di txi kha dona: “Ndide ditenda da Txizimu di ku hagari ka vathu! Txona txi na aka hagari kwawe, vona va na va i di vathu va txona; se txona Txizimu txipune txi na va txi di navo, txi maha Txizimu txawe.

A to engeta kambe a txi khene: “Ona mapswi awa ma tatisekile. Ani ngani Alfa ni Omega, ngani Makhato ni Magwito; ka wu a ku ni ditora ni na mninga mahala mati a txisima txa wutomi.

Awu a no xula a na amukela thomba yiya, se ani ni na va Txizimu txakwe, ene a na va mwanana wangu.

Kambe ka va va dizowa, vo mbi kholwa, vo dhunda manyala, va dayi va vathu, magelegele, va matiloti ni votshe va lumbeti, vakhozeli va si i ku si nga Txizimu, ni ka votshe va makuhu, txyavelo txawe ngu kuvinzwa txizivani ka mndilo wo tura ngu txivavula, i ku lona lifo la wumbidi.”

Konako ni to wona nzuma ya yiphya ni mafu a maphya, nguko nzuma yo khata ni mafu o khata si ti fuvile ni linene li si swi li diho.

Sekoko, ni woni didhoropa do sawuleka, Jerusalema wamphya, a nga txi relela ngu nzumani, a txi khukhela ka Txizimu, didhoropa do tshurisa ku nga wamsikati wu a nga bombiselwa mkatawe.

Didhoropa kha di lavi kuwoninga ka ditambo, hambi ka ntxima, nguko dona di woningwa ngu wudhumo wa Txizimu, ani dilambu da kona ngu Txinvutana. Mifumo yi na tsimbila yi txi woningwa ngu liwoningo la didhoropa diya, ni vafumeli va mafu va na neha ka dona tithomba ta vona