Popular Bible Verses from Masalmo 103

Share

Ni lava kudhumisa MKOMA ngu wotshe moya wangu, ni si divali ni txa tximwetxo ka sihiwa sakwe.

Ngene a divalelako sotshe sionho sangu a txi ni hanyisa ka yotshe mipando yangu; ngene a ni hulukisako dithowoni, a txi ni xayisa ngu lirando ni litsako; ngene a ni tatako ngu sihiwa kuhanyani kwangu e wuseta wuphya wangu, wu fana ni wa digamba.

Ni lava kudhumisa MKOMA ngu wotshe moya wangu; ngu yotshe mbilu yangu ni lava kudhumisa Txizimu txo sawuleka.

MKOMA mbwa kuthutha ka vale va m'thavako kufana ni tate wo thutha ka vanana vakwe.

A tsulisa kule sihambunyeto sathu, nga ti Wutxani ku ku kule ni mswa-ditambo.

MKOMA a tate ngu wumbilu ni wunene; wa timisela na a di tate ngu lirando.

kha hi tshumeteli madingano ni sionho sathu kambe kha hi tsayisi madingano ni sionho sathu. Nguko, nga ti nzuma yi ku kule ngutu ni mafu ngu toneto ni lona lirando lakwe ka vale va mthavako.

MKOMA a vekile txikhalo txakwe txa wukoma tinzumani ene wa fuma txitimwi ka sotshe si si kuho.