Popular Bible Verses from Mavingu 26

Share

Txiphukuphuku u nga txi xamule madingano ni wuphukuphuku wa txona, kasi ku na nawe u si fanani natxo. Xamula txiphukuphuku ngu nzila yo txi komba wuphukuphuku wa txona, kasiku txi si ti woni txi di txharihile.

Nga yimbwa yi tshumelelako ka makosa a yona, ngu tona eto ni txiphukuphuku, kha txi leki wuphukuphuku wa txona.

Ku si nga ni tikhuni, mndilo wu na timeka; kambe ku si nga ni va malengo, dizunga di na guma.

Awule a kelako diphala, a na wela ka dona; hambi wule a rindilitako dirigwi, di na gwitisa ku mtxika.

Ina u ti nga wona m'thu wo ti wona apune taku a txharihile kani? I txhuko txiphukuphuku kupinda eyo m'thu.

Awule aku a txi pinda, e wulelela timhaka ta vamwani, a fana ni wule a ñolako yimbwa ngu tinzeve ta yona.