Popular Bible Verses from Jeremiya 7

Share

Nguko kha na gela vatate vanu, hambi ku va laya ngu didhawa da miningelo ya kuhiswa ni miphaxo, ka ditshikudo ni nga va humisa ditikoni ka Egipta. Aniko, ati ni nga va laya, ngu ti taku: Engisani dipswi dangu, sekoko ni na va Txizimu txanu, anu mi na va vathu vangu; tsimbilani ngu tinzila ti ni nga mi laya ngu tona, kasi ku mi na zumbiseka kwati.

Aniko kha va engisa hambi ku riya tinzeve; se va to tsula makungoni kwawe ni mu ka kubanga ka timbilu tawe to biha, va to tshumelela msana, kha vaya masoni.

Nguko ngako mi txi txhukwatisa mahanyelo anu ni mithumo yanu, ngako mi txi lamula ngu kululama hagari ka m'thu ni mwakelani wakwe, ngako mi si xanisi muwuyi, txisiwana ni noni, ngako mi si theketi mnoha wa va va singako ni mnandu ka wuwa wukhalo, hambi ni kulondetela simwani sizimu, miva ni makhombo ngu kota yawe; sekoko ni na mi maha mi aka ka wuwa wukhalo, ka ditiko di ni nga ninga vatate vanu kala kupinduka.

MKOMA wa Mabutho a Tiyimbi, Txizimu txa ka Israyeli, a khene: Txhukwatisani mahanyelo anu ni mithumo yanu, sekoko ni na mi tumela kusimamisa mi aka ka wuwa wukhalo.