Popular Bible Verses from Jeremiya 25

Share

Va txi kha vona: Hundulukani mmweyo ni mmweyo ka nzila yakwe yo biha, kuva mi zumba ka ditiko diya MKOMA a nga mi ninga ni vatate vanu, kukhukhela kaleko kala kupinduka.

Dotshe diya ditiko di na va marumbi ni txidiwukiso; ni matiko awa, ma na thumela mfumeli wa Bhabhilona, mndani ka mtxhanu wa magumi ni magumi mambidi a malembe. Aniko ngako ku di pindile mtxhanu wa magumi ni magumi mambidi a malembe, ni na tsayisa mfumeli wa Bhabhilona ni ditiko da kona, ngu mhaka ya kuwekela kwawe, kuwomba MKOMA; ni ditiko da Vakaldheya ni na di maha diva txiwula, kala kupinduka.

Mi nga londiseleni simwani sizimu, mi txi si thumela ni ku si khizamela, mi nga vhilukiseni txiviti txangu ngu mithumo ya manza anu, kasi ani ni si mi maheli kubiha.