Popular Bible Verses from Ezekhiyele 2

Share

Sekoko Moya wu to wulela kwangu, mbimo yile a nga ti ti womba-womba ni nani, se ni to khukha ni ema, ni engisela ti a nga txi ni geletela. A txi khene kwangu: Mwanana wa m'thu, ani na kurumela ka vanana va ka Israyeli, ka matiko a vathu va txieyiso, vale va nga ni eyisa; vona ni vatate vawe va ni wukete, kala ka diya ditshiku.

Aniko awe u na va gela timhaka tangu, mwendo va na tiengisa, mwendo kha va na mbi tiengisa, ngu ku i ku vo kaneta. Kambe awe mwanana wa m'thu, engisa ti ni kugelako, u nga kanete, kufana ni nyumba yo kaneta; tula txisofu, u dya asi ni ku ningako.

Aniko vona, mwendo va na tiengisa, mwendo kha va na mbi tiengisa (nguko mba nyumba yo kaneta), va na tiziva taku hagari kwawe, ku ti ti ni mprofeti wokari.