Popular Bible Verses from 1 Vafumeli 19

Share

Se ku di gwitile kuzinginika, ku to tura mndilo; aniko mndilonimo kambe asi ngaho MKOMA; msana ka mndilo ku to pfala dipswi do thutha, da wukheta.

Se a to tsimbila mnava wa ditshiku, eya khalahatsha hahatshi ka mndonga; se a to navela ni ku ti kombelela kufa a txi khene: Se ta dingana awe MKOMA; teka koko wutomi wangu, nguko kha ni nga wamnene kupinda vatate vangu.

Se MKOMA a to khene ka Elija: Huma hahanze u txi ya maneka mmangoni masoni ka MKOMA. Se MKOMA a txi pinda, kumweko ni moya wa hombe wa mtamo, wu nga txi bhandelela mmango, ni kukhundumusa marigwi masoni ka MKOMA; aniko MKOMA a ti si ngaho ka moya wule; wu di pindile moya wule ku to zinginika mafu; emo kambe asi ngaho MKOMA.

Se mbimo yile Elija a nga dipfa, a to fenengeta khohe yakwe ngu dijasi dakwe e huma hahanze, a to ema ha txikeni ka diphala; se kutota dipswi kwakwe, di nga ti kha dona: Wo maha txani ahawa kani Elija?

Se koneyo a to wulela amu ka diphala e otela kona wusikuwo; se dipswi da MKOMA di tile kwakwe di txi ta kha dona: Wo maha txani ahawa kani Elija?

A to wuka koko Elija, a txi dya ni kusela, se ngu mtamo wa sakudya sile, a to tsimbila mune wa magumi a wusiku ni mune wa magumi a mitshikari, kala Horebhi, mmangoni ka Txizimu.

Se a to otela hahatshi ka mndonga; se ku to woneka ngelozi yi txi ta m'gwesa, yi to kha yona: Wuka u txi dya.

Se Ngelozi ya MKOMA yi m'gwesa ka wumbidi, na yi txi kha yona: Wuka u txi dya, nguko yi laphile nzila yako.

Se ene a to khene: Ni xambanyile kuthumela ngutu MKOMA, Txizimu txa Mabutho a Tiyimbi, nguko vanana va ka Israyeli va lekile txitumelelano txako, va khundumusete siluvelo sako, ve dayela vaprofeti vako ngu ditxhari; se ngani nokha ni nga sala, se va xota kuthavisa wutomi wangu.

Se a to wona dipawu aha ka txikhingelo txakwe, di nga ti yokilwe ka makala, ni ngoto ya mati, se a to dya, e sela, e tshumela e otela.

Sekoko Jezabheli a to ruma mtumi ka Elija, kuya khene: Si na ni tsayise ngutu sizimu ngako kala ka mbimo yo nga yona yiya, ni si ku dayi nga ti u nga va dayisa tona.

Kambe ni mahile ti to kusala ka Israyeli 7.000, otshe mazolo ma nga mbi khizamela Bhahali, ni sotshe sisofu si si nga mbi mpswopswa.

Elija a to khukha ngu hale, eya manela Elixa mwana Safati, a nga ti dima ngu mipatwa ya digumi ni yimbidi ya tihomu masoni kwakwe, se a ti ni mpatwa wo gwitisa. Elija a to mtshuketela e msanzeka dijasi ha makata kwakwe.

Elixa koko a to wuya ngu msana kwakwe, e ta teka mpatwa wa tihomu e daya, se a to bhika nyama ngu dikange, e ninga vathu va txi dya. Sekoko Elixa a to khukha e londeta Elija, kuya m'vhuna mithumo.

Sekoko a to leka tihomu, e tutuma e londeta Elija, a nje khene: Ni leke ni pswopswa tate wangu ni mwamwangu, ni na gwita ni kulondisa. Se Elija a to khene kwakwe: Tsula, u tshumela u wuya; nguko ni nga kutsimba ngu kutxani kani?