Popular Bible Verses from 1 Makronika 16

Share

Lavani MKOMA ni mtamo wakwe; lavani khohe yakwe yotshe mbimo.

Dhumisani MKOMA, nguko mbwa mnene: Ni lirando lakwe li zumba ngu ha ku si gwitiko.

Dhumisani MKOMA, huwelelani ditina dakwe, nuwelani simaho sakwe hagari ka vathu.

Ti guleteni ka ditina dakwe do sawuleka; Ti na tsake timbilu ta va va lavako MKOMA.

Alakanyani mithumo yakwe yo xamalisa ayi a nga yi maha; sidiwukiso sakwe ni kululama ka txisofu txakwe.

Embelelani tindando ta ku m'dhumisa, wombawombani ngu mithumo yakwe yo xamalisa.

Nguko MKOMA mbwa hombe; a fanela kudhumiswa ngutu, wa thaviseka kupinda sotshe sizimu.

Ningani MKOMA wudhumo wu wu fanelako ditina dakwe, tisani siningo, mi ta masoni kwakwe; Khizamelani MKOMA ha kusawulekani kwakwe.

Kudhumiswa ni wuhombe si masoni kwakwe, mtamo ni litsako si ha wukhaloni kwakwe.

Embelelani MKOMA anu mafu otshe; nuwelani kuhanyiswa kwakwe ngu masiku otshe.

Embelelani wudhumo wakwe hagari ka matiko, ni sixamaliso sakwe hagari ka vathu votshe.

Mi nga gweseni ava ni nga va tota, mi nga xupheni vaprofeti vangu.

Nguko sotshe sizimu sa ha mafuni kha si vhuni txilo; kambe MKOMA a vangile nzuma.

Alakanyani txitumelelano txakwe yotshe mbimo, ni sileleto sakwe si a nga si veka ka digumi da mazana a tiveleko

Yi na tsake nzuma; ni mafu ma na peke mikulungwane; se ti na wombwe hagari ka vathu taku: MKOMA wa fuma.

Ku na dhumiswe MKOMA Txizimu txa Israyeli, ngu malembe ni malembe. Se votshe vathu va to kha vona: Amen! Se ve dhumisa MKOMA.

Ningani MKOMA, anu vathu va matiko, ningani MKOMA wudhumo ni mtamo.