Popular Bible Verses from ROMA 9

Share

Jaji, iyaro apettunna Allataala, dé' nataggattung ri acenningeng atinna tolinoé iyaré'ga ri usahana tolinoé, sangadinna ri akessingeng atinna Allataala bawang lao ri tau Napiléro.

Saba' makkedai Allataala lao ri Musa, “Maélo-Ka mappaitangngi pammasé, sibawa maélo-Ka mappaitangngi paressé babuwaé lao ri tau iya maéloé Upaitang paressé babuwa.”

Iyakiya, Saudara! Saudara banna tolino bawang. Na Saudara dé' nawedding barani metté lao ri Allataala! Weddigga po' bungaé makkutana ri tau iya mébbuéngngi, “Magi muwébbuka makkuwaé?”

Jaji, maressé babuwai Allataala lao riséddié tau, rékko naéloriwi Allataala makkuwaro. Sibawa Allataala nassabariwi séddié tau nancaji matedde ati, rékko napuwéloi Allataala makkuwaro.

Dé'ga na tau iya mébbuéngngi po' bungaéro mappunnai ha' jamai iyaro tana litaé siélo-élona atinna? Polé ri sitékké tana lita, iyaro tauwé mappunnai ha' mébbu duwanrupa po' bunga: séddi makessing, na iya laingngé makurang kessing.