Popular Bible Verses from ROMA 8

Share

Taisseng makkedaé Allataala matoro'i sininna gau'é, angkanna napowassélé iya makessingngé untu' sining tau iya mamaséiyéngngi sibawa iya Naobbié situru rancana-Na.

Saba' mateppe' senna'ka makkedaé ri sininna linoé, muwi amaténgngé iyaré'ga atuwongngé; muwi malaéka' iyaré'ga panguwasa; muwi sining paancangngé makkekkuwangngé iyaré'ga ancamang-ancamang ri wettu mangoloé iyaré'ga awatangeng-awatangeng laingngé; muwi sining anu ri langié, iyaré'ga sining anu ri laleng linoé, iyaré'ga agi-agi laingngé, iya manenna dé' naulléi pésangkaiwi Allataala mamaséiki, pada-pada iya pura Najjellokengngé naolai Kristus Yésus, Puwatta.

Makkuwatoro Rohna Allataala poléi tulukki rékko malemmaki. Saba' dé' taissengngi pékkugi sitongennaki massempajang; aléna iyaro Roh-é mangolo ri Allataala untu' méllaungekki sibawa uddaning iya marilaleng senna'é angkanna dé' nariyullé pau.

Agana wedding ripowada makkekkuwangngé passalenna iya manennaro? Rékko engkai Allataala ri idi, nigana mulléi méwaki?

Makkekkuwangngé dé'na gaga pahukkungeng lao ri mennang iya tuwoé masséddi sibawa Kristus Yésus.

Rékko pikkirammu rikuwasaiwi ri sipa' tolinoé, addimonrinna amaténg. Iyakiya rékko pikkirammu rikuwasaiwi ri Rohna Allataala, addimonrinna iyanaritu atuwong sibawa assidaméngeng sibawa Allataala.

Dé'! Mala ri laleng iya manennaro lolongekki apakalang iya sukkué polé ri Aléna iya mamaséiyékki!

Sininna anrasa-rasang iya ripéneddingiyé makkekkuwangngé, manuru' pallolongekku, dé' sises-siseng nawedding ripasibanding sibawa alebbireng iya maéloé ripannessa lao ri idi.

Engkaga mulléi pésangkaiwi Kristus mamaséiki? Naulléga asussangngé pésangkaiwi, iyaré'ga asukkarakengngé, iyaré'ga paccallangngé, iyaré'ga akkadérengngé, iyaré'ga akasiyasingngé, iyaré'ga bahayaé, iyaré'ga amaténgngé?

Na Allataala, iya missengngéngngi lise atinna tolinoé, napahang élona iyaro Roh-é; saba' iyaro Roh-é méllauwi ri Allataala untu' umma'na Allataala, sibawa situru élona Allataala.

Sining tau iya ripimpingngé ri Rohna Allataala, iyanaritu ana'-ana'na Allataala.

Sining tau iya tuwoé situru sipa' tolinoé, mappikkiri'i matteru-teru aga nacinnai iyaro sipa' tolinoé. Iyakiya sining tau iya tuwoé situru Rohna Allataala, mappikkiri'i matteru-teru aga nacinnaiyé Rohna Allataala.

Ana' ri Aléna paimeng dé' Nacarinnaiwi, sangadinna nabbéréyangngi untu' apentingetta maneng; masa' dé' nabbéréyangngi matu lao ri idi sininna séuwa-séuwaé iya laingngé?

Rohna Allataala silaong iyaro rohta pannessai makkedaé idi iyanaritu ana'-ana'na Allataala. Nah, rékko idi iyanaritu ana'-ana'-Na, tentu idi'to iyanaritu ahli warisi'-Na iya tarimaé matu barakka-barakka iya napassadiyaé Allataala untu' ana'-ana'-Na. Tarimaki matu silaong Kristus aga iya puraé napassadiyangengngi Allataala; saba' rékko manrasa-rasaki silaong Kristus, ripakalebbi tokki silaong Aléna.

Tau iya rikuwasaiyé pikkiranna ri sipa' tolinona, iyaro tauwé simusui sibawa Allataala; nasaba iyaro tauwé dé' natunru' lao ri hukkunna Allataala; na mémeng dé' naulléi tunru' lao ri hukkunna Allataala.

Sininna alangngé mattajeng sibawa muddani senna' lao ri wettunna Allataala pannessai ana'-ana'-Na.

Riissenni makkedaé lettu makkekkuwangngé sininna alangngé maddarékéi nasaba manrasa-rasai pada-pada séddié indo' mapeddi ri wettunna jajiyang ana'lolo.