Popular Bible Verses from ROMA 2

Share

Iyakiya iko, Saudara-saudara, mupogau' towi gau'-gau' iya muteppuwangngéngngi sining tau laingngé! Namupikkiri'i mulléi leppe' polé ri pahukkungenna Allataala? Iyaré'ga mupandang énténgngi asémpowanna Allataala sibawa asagénang atinna enrengngé asabbaraken-Na iya makkuwaéro loppona? Pasti muwisseng makkedaé Allataala mappaitangngi akessingeng atin-Na nasaba maéloi kuwammengngi mutoba' polé ri dosa-dosamu.

Rimakkuwannanaro, Saudara-saudara, niga Saudara angkanna Saudara maélo passalai tau laingngé? Dé' agaga nappunnai Saudara untu' méwaiwi alému! Saba' rékko Saudara passalai tau laingngé, padahal napogau' towi Saudara pangkaukeng iya pada-padaé mennang, tentu Saudara pakennai towi aléna pahukkungeng.

Saba' Allataala gaukengngi sininna tauwé pada-padai.

Saba' simadécéngengngi paimeng tauwé sibawa Allataala, tenniya nasaba iyaro tauwé naissengngi hukkunna agama Yahudié, sangadinna nasaba napogau'i aga taroki ri laleng hukkung-hukkungngéro.

Saba' Allataala mpale'i matu tungke' tau situru pangkaukenna.

Iyakiya sining tau iya pentingkangngéngngi aléna sibawa dé' namaélo matinulu ri Allataala, sangadinna maccowériwi iya majaé, iyaro sining tauwé riyacairi senna'i matu ri Allataala.

Iyakiya matedde atiko sibawa dé' mumaélo tappinra. Rimakkuwannanaro alému muto mébbui pahukkungemmu pédé' tattamba tane'na ri Esso Kiyame', rékko nappaitanni caina Allataala sibawa patatteppai pahukkungemmu iya adélé'é.