Popular Bible Verses from MIKHA 4

Share

Tungke' bangsaé ri yasé'na linoé massompai sibawa mapatoi lao ri déwatana muto. Iyakiya idi mapatoki matu lao ri PUWANG Allataalata sibawa sompai Aléna untu' mannennungeng.

makkeda manengngi matu mennang, “Laono mai taénré ri bulu-buluna PUWANGNGE ri Bolana Allataalana Israélié! Nappagguruwangngi matu lao ri idi aga iya harusu'é tapogau'. Taccowériwi matu lalen-Na saba' pappagguruwanna PUWANGNGE poléi ri Yérusalém; Aléna mabbicarai polé ri Sion lao ri umma'-Na.”

Ri esso-esso mangoloé bulu-bulu, onronna Bolana PUWANGNGE, tettong lempui matu sibawa maccaloli matanré naliwengngi sining bulué sibawa bulu-bulué. Mallompéngengngi sininna bangsaé lao kuwaro

PUWANGNGE pettuiwi matu parakaraé ri yelle'na bangsa-bangsaé, ri yelle'na sining wanuwa mawatangngé, iya mabélaé iyaré'ga macawé'é. Nalanroi matu mennang sining peddanna mancaji rakkala sibawa sining bessinna mennang mancaji piso pabbéle. Dé'na nasisullé sigasa bangsa-bangsaé, dé'to nasadiya-sadiya maélo mammusu.