Popular Bible Verses from MIKHA 3

Share

Iyakiya passalenna alékué, purana naliseki PUWANGNGE sibawa roh-Na nenniya akuwasan-Na. Nawérékka pappéjeppu passalenna adélékengngé, sibawa abaraning untu' pannessai lao ri tau Israélié dosa-dosa iya puraé napogau'.

Mapparéntai sining panguwasana kotaé untu' lolongeng dowi pasoso, nappagguruwangngi imang-ngimangngé hukkunna PUWANGNGE untu' gaji, sibawa nabi-nabié méllauwi panunju polé ri Allataala untu' lolongeng dowi – nainappa naseng manengngi mennang engkai PUWANGNGE maccowériwi mennang. Makkedai mennang, “Engkai PUWANGNGE ri tengnga-tengngata; dé' nakennaki matu abala.”

Narapii matu wettunna kelli'ko matu méllau tulung lao ri PUWANGNGE, iyakiya dé' namaélo mappébali. Dé' naéngkalingai matu sining sempajammu, nasaba purai mupogau' majaé.