Popular Bible Verses from YEREMIA 31

Share

Uwappaitangngi alé-Ku polé mabéla lao ri mennang. Eh umma Israélié, riyolopa natuli Uwamaséiko, na untu' matteru tette'i matu Uwappaitang makkedaé tuli Uwamaséiko.

Mennang iya posoé Upétakkariwi matu, sibawa iya malemmaé nasaba alupurengngi Upamessoriwi matu.

Iyanaé assijancing mabaru iya Uwébbué matu sibawa umma Israélié: Utaroi matu hukkung-hukkuk-Ku ri laleng baténna mennang, sibawa Uwokii ri laleng atinna mennang. Mancaji-Ka Allataalana mennang, na mennang mancaji umma'-Ku. Dé' naparelluna séddi polé ri mennang paggurui pada-padanna untu' missengngi PUWANGNGE. Saba' sininna mennang, baiccu battowa, naissek-Ka matu. Sining asalanna mennang Uwallupaiwi matu, dosa-dosana mennang Uwaddampengengngi matu. Iyya, PUWANG, pura mabbicara.”

Makkedai PUWANGNGE, “Narapii matu wettunna mébbu-Ka assijancing iya barué sibawa umma Israélié sibawa Yéhuda. Iyakiya iyaro assijancingngé dé' napada-pada assijancing iya Uwébbué sibawa toriyolona mennang wettunna Udulung mennang massu polé ri Maséré. Namuni pada-pada-Ka séddié lakkai untu' mennang, iyakiya nassakkarengngi assijancik-Ku sibawa mennang.