Popular Bible Verses from YEREMIA 20

Share

Iyakiya Iko, oh PUWANG, ri aléku; mawatang senna'-Ko nabarani. Mennang iya mallellungngé sibawa tenre'ékka sempé'i matu sibawa dé' pakkullénna. Masirii matu mennang matteru-teru, marusa'ni sininna rancanana mennang. Atunanna mennanro tuli riyéngngerangngi matu.

Akkélonno untu' PUWANGNGE sibawa pojiwi Aléna saba' Naleppessangngi sining tau ritenre'é polé ri akuwasanna tau madorakaé.

Sises-siseng mabbicaraka, harusu'ka gora maggangka ullé, “Abeccokeng! Abala!” PUWANG, riyéllé'ka sibawa ripakatuna tungke wettu, nasaba palettu'i pasem-Mu. Iyakiya rékko ri laleng atikku makkedaka, “Leppessanni uwallupai bawang PUWANGNGE, dé'na umaélo mabbicara ri laleng asen-Na,” na pasem-Mu samanna api iya mabbaraé ri ati marilalengngé. Purani ucoba tahangngi, iyakiya annessana dé' umakuwasa.