Popular Bible Verses from HAKING-HAKING 6

Share

Iyaro malaéka'na PUWANGNGE mappaitangngi alé lao ri aléna sibawa makkeda, “Eh kallolo iya poré! PUWANGNGE sibawakko!”

Nainappa nabbéréyang PUWANGNGE paréntaéwé lao ri Gidéon, “Nasibawang sininna awatangemmu laono leppessangngi tau Israélié polé ri akuwasanna tau Midiangngé. Iyya ritu suroko.”

Nakkeda PUWANGNGE, “Pasti weddikko, saba' Iyya ritu bantuko. Mulléi mancuru'i sining tau Midiangngé sibawa magampang, samanna moloiko banna séddi tau bawang.”

Nametté Gidéon, “Taddampengekka, puwang! Rékko tongengngi nasibawakki PUWANGNGE, magi nasininna gau'éwé nakennaki? Kégani sininna anu makalallaing iya puraé napogau' PUWANGNGE riyolo sibawa iya nacuritangengngéngngi néné-nénéta passalenna pékkugi PUWANGNGE passui mennang polé ri Maséré? Makkekkuwangngé nasalaini PUWANGNGE sibawa leppessakki rikuwasai risining tau Midiangngé.”

Nappébali Gidéon, “Magi na iyya, PUWANG? Pekkugi weddikka leppessangngi umma Israélié polé ri akuwasanna tau Midiangngé. Ri laleng sukunna Manasyé, appakku ritu kaminang malemma. Sibawa muwi ri laleng kaluwargaku iyya'to ritu kaminang dé' bettuwanna.”

Riséuwaé esso poléi malaéka'na PUWANGNGE ri kota Ofra, nanatudang ri yawana aju terpentingngé, appunnangenna Yoas, séddiwi polé ri golongang Appang Abiézer. Ana'na iya riyasengngé Gidéon, mattengngang maddése gandong ri onrong apparakeng anggoro'é. Napogau'i iyaro sibawa massubbu-subbu kuwammengngi aja' nariita ri tau Midiangngé.

Nanapatettonni Gidéon séddi mézba kuwaro sibawa masengngi “PUWANGNGE Assalenna Asaléwangengngé”. Iyaro mézbaé engka mupi ri Ofra, iyanaritu kotana tau Abiézer.

Nappébali Gidéon, “Rékko tonget-tongekka napoji PUWANGNGE, cobani mpérékka séuwa tanrang makkedaé mémeng PUWANGNGE ritu mpérékka paréntaéro.

Iyakiya makkedai PUWANGNGE ri aléna, “Tennanno! Aja' mumétau. Dé' mumaté matu.”

Siseppi umma Israélié madosa lao ri PUWANGNGE, angkanna naleppessang bangsa Midiangngé kuwasaiwi mennang pituttaung ittana.