Popular Bible Verses from YESAYA 62

Share

Asemmu tenniyana ‘Iya Risalaiyé’, wanuwammu tenniyana ‘Iya Masino-sinoé’. Riteppuko matu, ‘Iya Nasayangngé Allataala’, sibawa wanuwammu riyasengngi, ‘Iya Puraénna Kawing’, saba' naéloriko PUWANGNGE, pada-padai lakkaié untu' wanuwammu.

Ri témbo'na Yérusalém taroka matu pengawal; esso wenni dé' nawedding mennang mammekko, iyakiya harusu'i matteru paréngngerangiwi Allataala lao ri janci iya puraé Naébbu. Dé' nawedding mennang naleppessang Aléna monro mammekko ri wettu Napatettonna paimeng Yérusalém, sibawa pancajiwi tassebbo risininna linoé.

Mancajiko pada-pada passigera magelloé ri limanna PUWANGNGE, passigera akkarungeng ri limanna Allataalamu.

Pada-pada séddié kallolo kawingiwi ana'daraé, makkuwaniro Pappancajimmu pubainéko matu. Pada-pada séddié botting marennu mitai bainéna, makkuwaniro Allataala sennangiko matu.