Popular Bible Verses from YESAYA 60

Share

Tokkonno sibawa ancajino tajang, éh Yérusalém, saba' tajang asalamakemmu poléni; natappako Allataala sibawa alebbiren-Na.

Mattinro-tinrosengngi bangsa-bangsaé lao ri tajammu, tattaré'i sining arungngé ri cahaya iya mompoé untu' alému.

Napennoiwi apettangeng linoé, bangsa-bangsaé natongkoi akalemmengeng; iyakiya tajanna PUWANGNGE mompoi ri yasé'mu, cahaya alebbiren-Na mancaji manessai ri yasé'mu.

Mala kaluwarga iya baiccu'é sibawa matunaé mancajiwi matu bangsa iya battowaé sibawa mawatangngé. Iyya PUWANG tinda masitta, ri wettu iya teppa'é.”

Dé' muparellu ritappa mata esso ri essoé, sibawa dé' naparellu ritajangi kéteng ri wennié. Saba' Iyya PUWANG mancaji tajang mannennungeng ri alému, Utappako sibawa arajak-Ku.

Untu' alému engka matu mata esso iya dé'é naengka nalabu, sibawa kéteng iya dé'é naengka nalabu. Saba' Iyya PUWANG mancaji tajang mannennungeng ri alému maccappa'i matu wettu abbaratammu.

Muwitanaro hérakko sibawa maccahaya tappamu; masé'ko sibawa maloppo ati. Waramparanna bangsa-bangsaé ritiwii ri iko, asugireng polé ri liweng tasi patabbolloiko.

Itai aga kajajiyang ri mattulilimmu; maddeppungengngi ra'ya'é untu' lisu ri iko. Ana'-ana'mu worowané poléi polé mabéla, ana'-ana'mu makkunraié naépa'i.

Tinda'i matu pabbanuwamu sibawa tongeng, nappunnangiwi matu wanuwaé untu' mannennungeng. Pada-padai mennang cangkokangngé iya alé-Kué tanengngi, untu' pannessai arajak-Ku.

Dé'na gaga karéba passalenna ateddekengngé ri wanuwammu, passalenna ancurukengngé sibawa aruttungengngé ri daéramu. Pada-padai témbo'é Ulinrungiko matu, sibawa mupoji-Ka matu selaku Pappassalama'mu.

Esso wenni pintu gerbammu tattimpa'i matu, kuwammengngi asugirenna bangsa-bangsaé weddingngi riantara lao ri iko, nasibawang arung-ngarunna mennang selaku tawanang.

Rikatulungngi wanuwammu ri maéga unta, poléi mennang ri Midian sibawa Efa. Polé ri Syéba tiwii tauwé ulaweng sibawa kamennyang, nanapojiwi pangkaukenna PUWANGNGE.

Makkedai PUWANGNGE lao ri Yérusalém, “Tau laingngé patettongngi matu paimeng témbo'mu, sibawa arung-ngarungngé tumaniko matu. Riyolo Uhukkukko ri laleng cai-Ku, iyakiya makkekkuwangngé Upuwéloi mamaséiko.

Dé' narisalaiko matu sibawa ricéccé, sibawa dé' narileppessang mancaji masino-sino. Upancajiko abangkakeng iya mannennungengngé, onrong arennung untu' mannennungeng.

Napiyarako matu bangsa-bangsaé sibawa arung-ngarungngé, pada-pada séddié indo' piyarai ana'na. Namuwissengngi matu makkedaé Iyya'na PUWANG, Pappassalama'mu, sibawa Allataalana Israél iya mawatangngé Pappaleppe'mu.