Popular Bible Verses from YESAYA 51

Share

Makkedai PUWANGNGE, “Iyya ritu saléworiko. Magi mumaélo lao ri tolino iya dé'é namannennungeng, lao ri tolino iya riyabbéyangngé pada-pada wellaé?

Iyya ritu pallebba'i langié sibawa palénne'i pallangga-pallanggana linoé. Makkedaka lao ri Sion: Iko ritu umma'-Ku; Uwérékko pappagguruwak-Ku nenniya linrungiko sibawa akuwasak-Ku.”

Engkalinga-Ka, éh bangsa-Ku, muwisseng aga iya tongengngé; pappagguruwak-Ku ritaroi ri laleng atimmu. Aja' mumétau rékko naéllé'ko tolinoé, aja' mumanenneng rékko napakatunako mennang.

Yérusalém, Usaléworiko matu, sibawa sininna iya monroé ri sésé-sésamu. Sining padammu iya makabuttué Upancajiwi tammeng, pada-pada Edom, tammek-Ku iya macommo'é. Marennui matu tauwé kuwaro sibawa mariyo-riyo nenniya sukkuru sibawa élok-kélong.

Na sining tau iya ripaleppe'é ri PUWANGNGE lisui matu muttama'i mennang ri Yérusalém sibawa gora-gora mattappai rupanna mennang nasaba ariyo-riyong mannennungengngé. Marennui mennang sibawa mariyo-riyo, asarang sibawa addarékéngngé lennye'ni.