Popular Bible Verses from YEHEZKIEL 34

Share

Iya teddéngngé Usappai matu, iya pusaé Utiwii matu lisu, iya maloé Ubebbe'i matu, iya malasaé Uwuraiwi matu; iyakiya iya macommo'é sibawa mawatangngé Upaccappui matu, saba' Iyya pakkampi iya pogau'éngngi aga iya makessingngé.

pada-pada séddi pakkampi sappaii sibawa paddeppungengngi sining bimbala'na iya tassiya-siyaé nainappa napiyara mennang. Utiwii matu mennang lisu polé ri sininna onronna tattale ri esso iya mapettangngé sibawa mabbahayaéro.

Makkedai PUWANG Iya Pommatanré, “Alé-Ku maélo sappai sining bimbala'-Ku sibawa piyarai mennang

Aléku mancaji matu pakkampina sining bimbala'-Ku sibawa passadiyangengngi onrong mappésau untu' mennang; Iyya, PUWANG Iya Pommatanré pura mabbicara.

Tongeng, iko ritu bimbala makkonrok-Ku iya Uwéréngngé inanré. Iko iyanaritu umma'-Ku, na Iyya Allataalamu. Iyya, PUWANG Iya Pommatanré pura mabbicara.”

“Eh tolino dé'é namannennungeng, bantani arung-ngarung Israélié, sibawa palettu'i aga Iyya, PUWANG Iya Pommatanré upowada lao ri mennang, ‘Macilakano iko, éh pakkampi-pakkampina Israélié. Banna mupikkiri'i apentingenna alému, tenniya apentingenna sining bimbala'mu.