Popular Bible Verses from YEHEZKIEL 33

Share

Powadangngi mennang makkedaé nasaba Iyya, Allataala iya tuwoé, PUWANG Iya Pommatanré, dé' Umasennang rékko matéi tau majaé; sibalé'na macinna-Ka nasalaiwi dosa-dosana kuwammengngi natette tuwo. Eh bangsa Israélié, appésauno pogau'i majaé! Magi mumaélo maté?

Eh tolino dé'é namannennungeng, Uwakkako mancaji panganrowanna bangsa Israélié. Palettu'i lao ri mennang papparéngngerangngéwé

Rékko muparéngngerangiwi tau majaéro na dé' namaélo mappésau pogau'i majaé, matéi matu selaku tau madosa, iyakiya iko salama'ko matu.”

Iyakiya rékko iyaro panganrowangngé naitai balié polé na dé' napaoniwi tanrang bahayaé, nainappa balié mpunoi sining tau madosaéro, tanggung jawa' lao ri amaténna mennang Utuntu'i matu polé ri aléna.

Nigi-nigi méngkalingai tanrang bahayaéro iyakiya dé' nabati-batiwi, napolé balié nainappa naunoi, matéi nasaba asalanna muto. Akkalarapanna nabati-batiwi iyaro tanrang bahayaé, pasti naulléi salama.