Popular Bible Verses from ULANGENG 6

Share

Amaseiwi PUWANG Allataalamu sibawa sukku atimmu: Appaitangngi iyaro ri laleng cara atuwommu sibawa ri laleng pangkaukemmu.

Appagguruwangngi lao ri ana'-ana'mu. Sitinajako bicarai ri lalempola sibawa ri saliwempola, wettu mappésau sibawa wettu mappallaung.

Aja' sises-siseng muwallupaiwi parénta-parénta iya uwéréngngékko essoéwé.

Saudara-saudara, éngngerangngi! Banna PUWANGNGE, sibawa PUWANGNGE bawang Allataalata!

Assiyorengngi ri taiyyamu sibawa pasangngi ri linromu untu' riyéngngerang.

Okii ri alliri tange'na bolamu sibawa ri pintu gerbammu.”

Pakalebbii PUWANG, Allataalamu, sibawa massompa ri Aléna bawang, narékko mattanroko, pogau'i ri laleng asen-Na bawang.

“Majjanciwi PUWANG Allataalamu lao ri néné-nénému Abraham, Ishak sibawa Yakub makkedaé maéloi mabbéréyangngi iyaro wanuwaé lao ri iko. Battowa kota-kotana sibawa macommo, natenniya iko patettongngi. Penno sining bolana sibawa barab-barang iya makessingngé, natenniya iko lisekiwi. Runtu'ko matu sining bujung, natenniya iko kaliwi. Lolongekko matu palla-palla anggoro sibawa zaitun, natenniya iko tanengngi. Rékko natiwiko PUWANGNGE lao ri wanuwaéro, sibawa muwappunnaiwi sininna iya muwacinnaiyé untu' riyanré, jagaiwi madécéd-décéng kuwammengngi aja' muwallupaiwi PUWANG iya puraé paleppe'ko polé ri Maséré, onrommu ripowata.

“Nasuroka PUWANG Allataalamu mappagguruwangngi sininna hukkungngéwé lao ri iko kuwammengngi mupogau'i ri wanuwa iya dé'énna namaitta namuwonroiwi. Sitinajai iko sibawa wija-wijammu gangka tuwona pakalebbii PUWANG Allataalamu sibawa turusiwi sininna hukkun-Na iya upalettukengngékko, kuwammengngi mumalampé sunge ri wanuwaéro.

Pogau'i aga iya manuru'é PUWANGNGE makessing sibawa adélé, namusaléwangeng matu. Tana commo iya najjanciyangngé PUWANGNGE lao ri néné-nénému, mancajiwi matu appunnangemmu

Rékko sompako déwata-déwata laing, nakennako matu caina PUWANG Allataalamu sibawa ripaccappu siseng, saba' PUWANG Allataalamu iya engkaé ri tengnga-tengngamu dé' namaélo ripappadai muwi aga.

Aja' mumassompa déwata-déwata laing iya nasompaé bangsa-bangsa iya monroé ri seddému.

Aja' mucobaiwi PUWANG Allataalamu pada-pada iya mupogau'é ri Masa.