Popular Bible Verses from ULANGENG 5

Share

Pakalebbii sibawa piyarai ambo' sibawa indo'mu; iyanaro paréntaku, PUWANG Allataalamu, kuwammengngi musaléwangeng sibawa malampé umuru ri wanuwa iya Uwéréngngékko matu.

Pogau'ni sininna napparéntangngé PUWANG Allataalamu lao ri iko kuwammengngi musaléwangeng sibawa mulléi mattette ri wanuwa iya maéloé muwonroi.”

Aja' musompai dato'-dato' makkuwaéro, nasaba Iyya PUWANG Allataalamu na dé' umaélo ripappadai sibawa muwi aga. Sining tau iya benciyékka Uhukkungngi narapi ri wija-wijanna iya matellué sibawa maeppaé. Iyakiya Uwappaitangngi pammasé-Ku lao ri massebbu-sebbu assossoreng polé risining tau iya pojiyékka sibawa turusiwi parénta-Ku.

Aja' muwébburengngi alému dato-dato iya pappadaiyéngngi agi-agi iya engkaé ri langié, ri linoé iyaré'ga ri laleng uwai ri yawana linoé.

Aja' mumassompa déwata-déwata laing. Iyya'na bawang musompa.

Aja' muteppui asek-Ku sibawa sembarangang, saba' Iyya, PUWANG Allataalamu, hukkungngi nigi-nigi iya makkégunang salaéngngi asek-Ku.

Coba rékko mennang tuli mappérasa makkuwairo! Coba rékko mennang tuli napakalebbika sibawa turusiwi sininna parénta-Ku, angkanna mennang sibawa wija-wijanna saléwangengngi untu' mannennungeng!

Pakarajai esso Saba'é sibawa pakalebbii selaku esso iya mapaccingngé, saba' Iyya'na PUWANG Allataalamu iya mapparéntangngéngngi lao ri iko.

Aja' muwacinnaiwi appunnangenna tau laingngé: bolana, tanana, bainéna, ata-atanna, olokolo'na, kaleddé'na iyaré'ga agi-agi iya nappunnaiyé.’

Aja' mumalaweng.

Aja' muwabbéré asabbing bellé-bellé lao ri tau laingngé.

Aja' muwabbuno.

Aja' muwénnau.

Engngerangngi, makkedaé iko riyolo ripowatato ri Maséré, nainappa ripamaradéka ri PUWANG Allataalamu sibawa awatangeng iya battowaé. Rimakkuwannanaro Uparéntakko untu' pakarajai esso Saba'é.

Uwérékko enneng esso untu' mappallaung, iyakiya esso mapitué iyanaritu esso appésaungeng iya ripallaingngé untu' Iyya, PUWANG Allataalamu. Iyaro essoé dé' muwi séddi tau wedding mappallaung, muwi iko, ana'-ana'mu, ata-atammu, olokolo'mu iyaré'ga tau laing iya monroé ri wanuwammu. Harusu'i mappésau ata-atammu pada-pada muto alému.

PUWANGNGE mappallebbangengngi, ‘Iyya'na PUWANG Allataalamu iya tiwiékko massu polé ri Maséré, onrommu ripowata.