Popular Bible Verses from 2 ARUNG-NGARUNG 6

Share

Namassempajanna Elisa, “PUWANG tennapodo Mutimpa'i matanna pattumanikku kuwammengngi naitai!” Natarimani PUWANGNGE sempajanna Elisa angkanna wettunna makkita iyaro pattumaninna, naitani iyaro bulué penno sibawa anyarang nenniya karéta makkéapi mattulilingiwi Elisa.

Nappébali Elisa, “Aja' mumétau. Iya engkaé ri idi lebbi maégai naiya engkaé ri mennang.”

Pappa bajana, maélé senna'ni wettunna pattumaninna Elisa moto sibawa massu, naitani tentara Siriaé keppungngi kotaéro sukku sibawa anyarang nenniya karéta musuna mennang. Jaji, lisuni lao ri Elisa sibawa makkeda, “Cilakaki, Puwang! Aga harusu tapogau'?”

Wettunna iyaro sining tau Siriaé maggasa, massempajanni Elisa, “PUWANG, tennapodo pabutai iyaé sining tauwé!” Natarimani PUWANGNGE sempajanna Elisa, namancaji buta manenna mennang.

Nakkutana Elisa, “Kégi sempé?” Najjellokenni iyaro tauwé onronna, nainappa rette Elisa silétta aju nanaggenrungengngi lao ri onrongngéro. Naompona iyaro mata wasé ri tompo'na uwaié.

Tennasenna-sennana séddi tau polé ri yelle'na mennang sempé mata waséna ri laleng uwaié. Nagorana lao ri Elisa, “Aduh Pa'! Wasé riinreng iyaro!”

Nakkeda Elisa, “Alani!” Naloro'ni limanna iyaro tauwé nanalai iyaro wasé.