Popular Bible Verses from 2 ARUNG-NGARUNG 5

Share

Naaman iyanaritu pallima tentarana Siria iya ripoji senna'é sibawa riyangke ri arung Siria. Saba' naolai Naaman, mabbéréi PUWANGNGE apakalang lao ri tentara Siriaé. Naaman iyanaritu séddiwi pallima iya poré, iyakiya malasa olii iya mappakatau-taué.

Suroni Elisa séddi pattumani untu' makkeda makkuwaé lao ri Naaman, “Laoki Puwang cemmé wékkapitu ri Salo Yordan, namajjappa siseng matti Puwang.”

Rimakkuwannanaro laoni Naaman ri Salo Yordan, nanauttama sibawa patallemme'i aléna ri laleng saloéro wékkapitu pada-pada iya nassurowangngé Elisa. Nanajjappana Naaman. Madisinni watakkaléna paimeng pada-pada watakkaléna kalloloé.

Naéngkalinganaro, macaini Naaman sibawa makkeda, “Uwasengngi aléna matu massu méwaka sita, namassempajang lao ri PUWANGNGE, Allataalana, enrengngé pakédoi limanna ri yasé'na watakkaléku iya malasaéwé naumajjappa.

Iyakiya sining pattumaninna maddeppériwi sibawa makkeda, “Puwang, akkalarapanna risuroi Puwang pogau'i séuwaé iya mawatangngé, pasti maéloi Puwang pogau'i. Apalagi banna nasuroi Puwang cemmé kuwammengngi najjappa!”

Riséuwaé esso makkedani iyaro pattumanié lao ri ponggawana, “Nyonya, akkalarapanna laowi puwang méwai sita nabi iya monroé ri Samaria, pastini iyaro nabié napajjappai matu puwang.”